ВАРЗИШ
Ҷумъа 22 Октябр 2021 01:41
8303
Гӯштини ҷудо яке аз намудҳои маъмули варзиш буда, дар кишвари мо ҳаводорони зиёд дорад. Наврасону ҷавонон аз ин намуди варзиш дар мусобиқаҳои гуногун ширкат варзида, маҳорати худро нишон медиҳанд.

Яке аз чунин варзишгарони ҷавон ва ояндадори тоҷик Абубакр Боқиев мебошад.

Ӯ дар оилаи варзишгар ба дунё омадааст. Падараш Рустам Боқиев иштирокчии Бозиҳои олимпии Атлант - 1996 буда, амакаш Расул Боқиев ҷудочии маъруфи тоҷик бори аввал медали биринҷии Бозиҳои олимпиро ба Ватан овардааст.

Абубакр аз айёми кӯдакӣ ба варзиш шавқи беандоза дошта, аз 6-солагӣ ба гӯштини ҷудо машғул аст. Ба синну соли ҷавониаш нигоҳ накарда, аллакай дар 25 мусобиқаи ҷумҳуриявӣ аз намуди гӯштини ҷудо соҳиби медали тилло гардидааст.

Қаҳрамони мо ҳамчунин дорандаи шоҳҷоизаи “Ҷоми раиси шаҳри Душанбе” дар соли 2021 буда, солҳои 2016, 2017 ва 2018 дар чемпионатҳои ҷумҳуриявӣ байни наврасону ҷавонон медали тилло ба даст оварда, се маротиба чемпиони ҷумҳурӣ шудааст.

Дар ҳаёти варзишияаш ягона нафаре, ки нозукиҳои ҷудоро барояш таълим додаву аз ҳар лиҳоз дастгириву мададаш мерасонад, падараш мебошад: “Бо заҳмату толошҳои пайвастаи падарам муваффақ ҳастам, зеро дар вақти тамрин бо ман на ҳамчун падар, балки ҳамчун устод муносибат мекунад. Ҳамеша бар он аст, ки аз нозукиҳои ин варзиш маро огоҳ кунад, то дар оянда номбардори Ватан бошам”.

Соли 2021 барои Абубакр соли беҳтарин буд, чун вай соҳиби шоҳҷоизаи “Ҷоми раиси шаҳри Душанбе” гардид. Баъди ғолиб омадан варзишгар тасмим гирифт, ки болои худ боз ҳам зиёдтар кор кунад, то роҳхат ба Бозиҳои олимпиро ба даст орад.

Абубакр мегӯяд давлату Ҳукумати Тоҷикистон имрӯз барои варзишгарон тамоми шароитҳоро муҳайё сохтааст ва бояд баҳри боз ҳам муаррифии кишвар дар сатҳи ҷаҳонӣ кӯшиш ба харҷ диҳанд. Имрӯз ӯ донишҷӯйи соли дуюми Донишкадаи тарбияи ҷисмонии Тоҷикистон ба номи Саидмумин Раҳимов буда, умед дорад, берун аз кишвар низ малакаи худро нишон диҳад ва дар арсаи байналмилалӣ ба монанди падар ва амакаш Тоҷикистони азизро муаррифӣ кунад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.