ВАРЗИШ
Шанбе 20 Июл 2024 03:10
10448
Сарвар Ҳамидов, варзишгари бебохти тоҷик (15-0), саннаи 22 июн рақобати навбатии хешро дар ташкилоти Беллатор доир мекунад.

Ин дафъа варзишгари тоҷик бо намояндаи Бразилия Марсирли Алвес (12-3) дар Дублин вориди ҳашткунҷа хоҳад шуд.

Ҳамидов дар корномаи худ бори сеюм аст, ки аз ҳайати Беллатор руйи ринг мебарояд.

Ёдовар мешавем, ки моҳи майи соли 2023 Ҳамидов дар Bellator-296 охирин набарди худро доир намуда буд, ки дар он намояндаи Фаронса Кевин Петшӣ (18-6)-ро дар пайти севум бо усули буғи намудан таслим карда буд.

Бояд гуфт, ки Сарвар Ҳамидов соли 2022 бо Bellator шартнома баст. Ӯ аввалин рақобати хешро дар Bellator 287 дар Милан зидди Хосе Мария Томаи (40-9-4) бразилӣ анҷом дод, ки ба замми ниҳоят бо таҷриба будани рақиб Сарвар ӯро дар пайти аввал ба нокаут равон кард.

Гуфтан ба маврид аст, ки Сарвар Ҳомидов дуввумин размандаи тоҷик дар ташкилоти Беллатор мебошад, пештар аз ӯ размикори дигари кишвар Шараф Давлатмуродов дар ин ташкилот баромад мекард.

Яҳё МАҲМАДНАБИЕВ, “ҶТ”

Эзоҳи худро нависед



Рамзҳо дар расм