14-16-уми октябр дар пойтахти Арманистон шаҳри Ереван мусобиқоти қаҳрамонии ҷаҳон оид ба самбо миёни навҷавонон, наврасон, духтарон, инчунин оид ба самбои размӣ миёни навҷавонон бо ширкати варзишгарони 24 кишвар, аз ҷумла Тоҷикистон баргузор мешавад.

Ёдовар мешавем, ки бори аввал дар таърихи мусобиқоти қаҳрамонии ҷаҳон дар Ереван рақобатҳо оид ба самбои размӣ миёни навҷавонон доир мегардад. Пеш аз ин мусобиқот оид ба самбои размӣ танҳо байни бузургсолон сурат мегирифт.

Варзишгарон барои 55 маҷмуи медалҳо аз рӯи дараҷаҳои зерини вазнӣ рақобат мекунанд:

-Кадетҳо (писарони 14-16-сола): 46 кг, 49 кг, 53 кг, 58 кг, 64 кг, 71 кг, 79 кг, 88 кг, +88 кг.

-Кадетҳо (духтарони 14-16-сола): 41 кг, 44 кг, 47 кг, 50 кг, 54 кг, 59 кг, 65 кг, 72 кг, +72 кг.

-Наврасон (16-18-сола): 53 кг, 58 кг, 64 кг, 71 кг, 79 кг, 88 кг, 98 кг, +98 кг.

-Духтарон (16-18-сола): 47 кг, 50 кг, 54 кг, 59 кг, 65 кг, 72 кг, 80 кг, +80 кг.

-Навҷавонон (18-20-сола): 58 кг, 64 кг, 71 кг, 79 кг, 88 кг, 98 кг, +98 кг.

-Духтарон (18-20-сола): 50 кг, 54 кг, 59 кг, 65 кг, 72 кг, 80 кг, +80 кг.

-Самбои размӣ (навҷавонони 18-20-сола): 58 кг, 64 кг, 71 кг, 79 кг, 88 кг, 98 кг, +98 кг.