ВАРЗИШ
Якшанбе 18 Август 2019 09:34
6327
Бо ҳадафи ташвиқу тарғиби тарзи ҳаёти солим ва оммавӣ гардонидани варзиш миёни табақаҳои гуногуни аҳолӣ дар ноҳияи Шуғнон бо ширкати раиси ноҳия Азиз Гиёҳзода ва сардори Раёсати кор бо ҷавонон ва варзиши ВМКБ Сураҷ Чоршанбиев мусобиқаи ҷумҳуриявӣ аз намуди каратэ – кёкушинкай баргузор гашт. 

Мусобиқа бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Федератсияи каратэ – кёкушинкайи мамлакат дар ҳамкорӣ бо Мақомоти иҷроияи ҳокимияти давлатии ВМКБ ва ноҳия рӯи кор омада, дар он ҳашт дастаи варзишгарони шаҳру вилоятҳои ҷумҳурӣ, ноҳияҳои тобеи марказ аз шашсола то 15 сола бо ҳам қувваозмоӣ намуданд.

Ба иттилои Назрулло Қумайдонов, сарвари мактаби варзишии ноҳия умуман дар чорабинии варзишӣ 125 нафар варзишгар иштирок намуда, аз рӯи натиҷаҳои охир дастаи “ВМКБ-1” сазовори ҷойи якум ва дастаҳои “Душанбе-1” ва “Хатлон-1” зинаҳои дуюму сеюмро ишғол намуданд.

Ғолибон бо диплому ифтихорномаҳои кумита сарафроз шуда, сипас роҳбарияти ноҳия барои ҳамаи варзишгарон дастархони идона ташкил намуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.