Бахшида ба ҷашни Рӯзи Ваҳдати миллӣ ва гиромидошти хотираи ҷаҳонпаҳлавон Саидмуъмин Раҳимов дар шаҳри Хоруғ мусобиқаи ҷумҳуриявӣ оид ба гуштини самбо баргузор гардид.

Дар он варзишгарони ҷавонону навраси соли таваллуди 1998 - 2001 дар ҳайати дастаҳои Душанбе - 1, Душанбе - 2, Хатлон - 1, Хатлон - 2, Суғд - 1, Суғд - 2 ва ВМКБ байни ҳам қувваозмоӣ намуданд.

Раиси шаҳри Хоруғ Маҳтобшоҳзода Арамбегими Бозор зимни ифтитоҳи мусобиқа иброз дошт, ки маҳз бо сиёсати хирадмандонаи Пешвои миллат, муҳтарам Эмомалӣ Раҳмон ва ба туфайли ин ҷашни бузург халқи тоҷик сарҷамъ гашта, дар суботу пешрафти Ватан беш аз пеш талош доранд.

Муовини сардори Раёсати кор бо ҷавонон ва варзиши вилоят Сураҷ Чоршанбиев чорабинии мазкурро яке мусобиқаҳои беҳтарин дар кишвар арзёбӣ намуда қайд кард, ки чунин чорабиниҳо идома доранд.