Бо мақсади муайян намудани дастаи мунтахаби ВМКБ аз намуди тенниси рӯи миз ва тарғиби тарзи ҳаёти солим дар шаҳри Хоруғ байни наврасону ҷавонони вилоят мусобиқа оғоз гардид.

Чорабинии варзишӣ бо иқдоми Раёсати кор бо ҷавонон ва варзиши ВМКБ ташкил гашта, дар он варзишгарони дастаҳои Хоруғ, ноҳияҳои Шуғнон, Рӯшон, Роштқалъа, Ишкошим миёни ҳам рақобат доранд.

Ба гуфтаи сардори раёсат Сураҷ Чоршанбиев дастаи мунтахаби вилоят дар мусобиқаи ҷумҳуриявӣ аз рӯи теннис, ки аз 6 то 9 августи соли ҷорӣ дар шаҳри Хоруғ баргузор мегардад, ширкат хоҳад намуд.