Бо мақсади таҳкими тарзи ҳаёти солим ва дарёфти Ҷоми раиси Вилояти Мухтори Кӯҳистони Бадахшон дар ноҳияи Рӯшон байни ҳашт дастаи ҷавонони шаҳру ноҳияҳои вилоят мусобиқаи футболи хурд баргузор гардид.

Аз рӯи натиҷаҳои даври ниҳоӣ дастаи "Рӯшон 1" ҷойи якумро ишғол намуда, Ҷоми раиси ВМКБ - ро ба даст овард.

Дастаи "Шуғнон" бошад, зинаи дуюм ва тими "Ванҷ" ҷойи сеюмро ишғол намуданд.

Дар фарҷом ғолибон аз ҷониби раиси вилоят Мирзонабот Алишер Худобердӣ бо ҷому медал ва ифтихорномаю мукофотпулӣ қадрдонӣ шуданд.