Раиси тозаинтихоби шаҳри Хоруғ Кишвар Шамиров бо мураббиёну варзишгарон ва ҷавонони шаҳр мулоқот намуд.

Тавре мудири Бахши кор бо ҷавонон ва варзиши шаҳр Имомёрбек Имомёрбеков иттилоъ дод, дар вохӯрӣ асосан масоили ба эътидол овардани вазъи некӯаҳволии мардум, тақвияти ҳамкориҳо миёни аҳолии осоиштаву мақомоти иҷроияи маҳаллии ҳокимияти давлатии шаҳр, таҳкими тарзи ҳаёти солим ва ғайра баррасӣ шуданд.

Зикр гардид, ки ҳамкории судманд омили сулҳу пешравии ҷомеа буда, дар ин самт махсусан ҷавонон бояд фаъол бошанд.