8 августи соли 2017 дар ҷамоати шаҳраки “Восеъ”-и ноҳияи Восеъ ба ифтихори Рӯзи варзишгарон, Истиқлолияти давлатӣ ва “Соли ҷавонон” байни 11 даста аз ҳисоби наврасону ҷавонони ҷамоатҳои “Абди Авазов”, “Мирзоалӣ Вайсов”, “Гулистон” ва “Тугарак"-и ноҳия мусобиқаи футбол доир гардид.

Дар натиҷа ҷавонони ҷамоати деҳоти “Тугарак” аз худ маҳорати баланд нишон дода, ҷои якумро соҳиб гаштанд.

Ҷои дуюм насиби варзишгарони ҷамоати деҳоти “Гулистон” ва ҷои сеюм насиби ҷамоати деҳоти “Абди Авазов” гашт.

Ғолибон аз тарафи Бахши кор бо ҷавонон ва варзиши ноҳияи Восеъ бо Ҷом, ифтихорнома ва мукофоти пулӣ қадрдонӣ шуданд.

Умед МИРЗОЕВ, “ҶТ”