Ясмин ан-Нимр варзишгарбонуи тоҷик дар Чемпионати ҷаҳони бадансозӣ (бодибилдинг) сазовори нишони тилло гардид.

Дар ин бора сомонаи “ТВ Варзиш” хабар медиҳад.

Мусобиқа 10-уми ноябр дар ҷазираҳои Маафушии кишвари Молдив баргузор гардид, ки дар он беҳтарин варзишгарони қораи Осиё ширкат варзиданд ва намояндаи Тоҷикистон - Ясмин ан-Нимр ба гирифтани нишони тилло дар ин мусобиқаи бонуфуз даст ёфт.

Гуфтан ба маврид аст, ки Ясмин узви дастаи мунтахаби Тоҷикистон оид ба бодибилдинг буда, 3-карата қаҳрамони ҷаҳон дар ин риштаи варзиш мебошад.

Ӯ аз соли 2015 ба ин сӯ ба варзиш машғул аст. Барои тамрин гоҳ-гоҳе ба толори варзишӣ мерафт. Додараш дар риштаи бокс тамрин мекард. Ҳамон вақт меҳри варзиш дар дили Ясмин аланга мезад. Рӯзе Ясмин дар толори варзишии “Лидер” бо Олим Парпев вомехӯрад ва ҳамин сабаб мешаваду ӯ ба варзиш рӯй меорад. Мураббиаш низ дар ин риштаи варзиш Олим Парпиев мебошад.

Бисёриҳо аз Тоҷикистон будани Ясминро бовар надоранд. Лек Ясмин тоҷик аст. Падари ӯ араб ва модараш тоҷик мебошанд. То хатм кардани мактаб Ясмин дар шаҳри Москва зиндагӣ мекард ва ба Тоҷикистон наомада буд.

Яҳё МАҲМАДНАБИЕВ, “ҶТ”