Дар маркази ноҳияи Ашт шаҳраки Шайдон конфронси Федератсияи футбол оид ба интихоб кардани раиси Федератсияи футболи ноҳия доир шуд.

Дар ин бора аз мақомоти маҳаллии ноҳия иттилоъ доданд. Дар он иҷрокунандаи вазифаи раиси ноҳияи Ашт Зариф Мирдадо, мураббиëн оид ба футбол ва муовини Федераисияи футболи ҷумҳурӣ Рустам Марофиев иштирок намуданд.

Дар ин конфронс Зариф Мирдадо иҷрокунандаи вазифаи раиси ноҳияи Ашт раиси Федератсияи футбол дар ноҳия интихоб гардид.

Зимни суханронӣ З. Мирдадо гуфт: "Барои бартараф кардани муаммоҳои ҷой дошта дар самти футбол чораҳои зарурӣ андешида мешавад. Ҳамзамон рушди футбол байни кӯдакон ва наврасон дар ноҳия ҳадафи асосии расидан ба мақсад мебошад"

Рустам Марофиев муовини раиси Федератсияи футбол дар ҷумҳурӣ гуфт, яке аз ҳадафҳои асосии Федератсияи футболи Тоҷикистон ин рушди футбол дар ҳама минтақаҳои кишвар ва дастгирии футболи кӯдакону наврасон мебошад.

Дар охир бо мураббиёни соҳаи футбол мубодилаи афкор сурат гирифт.