17 – уми марти соли равон зимни сафари кории худ Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар майдони варзишии деҳаи Муҷуми ҷамоати деҳоти Муҷуми ноҳияи Деваштич бо варзишгарони ноҳия мулоқот кард.

Дар мулоқот перомуни фаъолияти аҳли варзиши ноҳия ва бурду бохти варзишгарон сухан рафта, гуфта шуд, ки дастовардҳо дар ин самт бо вуҷуди дар сатҳи олӣ набудан қаноаткунандаанд.

Раиси Кумита зикр кард, ки миллати тоҷик дар масири таърих бо матонату мардонагӣ, иродаи қавӣ, далерию шуҷоатмандӣ ва майдондорӣ шуҳрат дошта, то имрӯз бо ин арзишҳои миллӣ дар ҷаҳон соҳибнуфуз аст. Маҳз бо ҳифзу тақвияти риштаҳои гуногуни варзиш ва ғамхорию дастгирии пайвастаи Асосгузори сулҳу ваҳдати миллӣ, Пешвои миллат-Президенти Ҷумҳурии Тоҷикистон муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар соҳиби эътибори хоса гардида, мунтазам рушд меёбад.

Пас аз суҳбати озод Зулфиқор Гулаҳмадзода ҷавонони фаъоли ноҳия ва варзишгаронро бо туҳфаҳо қадрдонӣ намуд.

Наҷиба МУРОДБЕКОВА”ҶТ”