САЙЁҲӢ
Шанбе 25 Май 2024 05:09
9468
Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо дастгоҳи марказии Кумитаи иҷроияи Ҳизби Халқии Демократии Тоҷикистон ва дар ҳамкорӣ бо сохторҳои қудратии кишвар бахшида ба Рӯзи ҷавонон ҳамоиши хизматчиёни ҳарбӣ ва ҷавонони синни то даъватӣ таҳти унвони “Хизмат ба Ватан шараф аст!” ташкил ва баргузор гашт.

Қисмати аввали чорабинӣ дар маҷлисгоҳи Кумитаи кор бо ҷавонон ва варзиш баргузор гардид.   

Дар чорабинии мазкур Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Амир Иброҳимзода, сардори Раёсати кор бо ҷавонони дастгоҳи марказии КҶВ, намояндагони Дастгоҳи марказии Кумитаи иҷроияи Ҳизби Халқии Демократии Тоҷикистон, афсарону сарбозони Вазорати мудофиа, Қушунҳои сарҳадии Кумитаи давлатии амнияти миллӣ, Қушунҳои дохилии Вазорати корҳои дохилӣ, Гвардияи миллиӣ, Кумитаи ҳолатҳои фавқулода ва мудофиаи гражданӣ, Сарраёсати иҷрои ҷазои ҷиноятии Вазорати адлия, адибону шоирон, собиқадорони ҷангу меҳнат ва ҷавонони синни то даъватӣ аз муассисаҳои таҳсилоти миёнаи ҳудуди шаҳри Душанбе иштирок доштанд.

Дар ҷараёни қисмати расмии чорабинӣ чанде аз масъулини соҳа суханронӣ карда, ҳадаф аз бургузории чунин чорабиниҳоро баланд бардоштани руҳияи сарбозону аскарон ва ба ин васила дар ботини онҳо бедор намудани ҳисси ватандӯстӣ ва пос доштани арзишҳои миллӣ маънидод карданд.

Сипас, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба чанде аз иштирокчиёни маҳфил сипосномаҳои Кумитаро тақдим намуд.
Пас аз ин, қисмати дуюми чорабинии мазкур оғоз гардид. Дар қисмати дуюм ҳозирин бо роҳбарии нафарони масъул ба мавзеҳои сайёҳӣ ва қисмҳои низомии шаҳри Ҳисор раҳсипор гардида, аз зебоиҳои ин шаҳри бостонӣ дидан намуданд.

вввв.jpg

 Аввалин шуда иштирокчиён аз қисми ҳарбии 0124-и Қӯшунҳои сарҳадии КДАМ дидан намуда, ба роҳбари қисми ҳарбии мазкур ва чанде аз модарони сарбозон, ки писаронашон дар ин қисми ҳарбӣ адои хизмат намуда истодаанд, тӯҳфаҳо ва сипосномаҳо супорида шуд.

Сипас меҳмонон ба тамошои осорхонаи шаҳри Ҳисор раҳсипор шуданд. Пас аз тамошои осорхона иштирокчиёни ҳамоиши ба меҳмонхонаи “Усто Набот”-и ин шаҳр рафтанд. Дар меҳмонхона қисмати фарҳангии чорабини баргузор гашт.

Идома ва ҷамъбасти чорабинӣ ба қалъаи Ҳисор рост омад. Иштирокчиён тавонистанд ин маконҳои таърихии кишварро тамошо намоянду дар мавриди сохтмон ва то ба имрӯз расидани қалъаи мазкур маълумоти заруриро ба даст оваранд.

Ҳошим РАҲМАТУЛЛОЕВ, “ҶТ”

Эзоҳи худро нависед



Рамзҳо дар расм