ҶАВОНОН
Якшанбе 16 Январ 2022 02:52
8416
Бо ба даст омадани истиқлолияти давлатӣ забономӯзӣ ҳамчун як раванди нав дар миёни ҷавонон шинохта шудаву рушд кард. Насли даврони истиқлол ба дарки ин нукта расид, ки танҳо бо омӯхтани забон метавонад ба самти дунёи беканор роҳ кушояд. Ҳамин буд, ки дар баробари мактабҳо марказҳои омӯзиши забонҳо аввалан дар шаҳрҳо ва сипас дар ноҳияҳову ҳатто дурдасттарин деҳаҳо кушода шуд. Бисёр мешунавем ва шоҳид мегардем, ки ҷавонони забондон барои омӯзонидани дигар ҷавонон, аллакай марказҳои омӯзишии забонҳоро мекушоянд.

Яке аз онҳо Сироҷиддин Файзалиев, донишҷӯи курси 3-юми Донишгоҳи давлатии Бохтар мебошад, ки чанде пеш дар ин шаҳр маркази забономӯзӣ таъсис дод. Ӯ сокини ноҳияи Ҷалолиддини Балхӣ буда, 20 сол дорад.

Зиёда аз як моҳ аст, ки ӯ маркази забономӯзии “Ҷавонон”-ро кушодааст. Дар кӯтоҳтарин муддат дар ин маркази забономӯзӣ корҳои барасмиятдарорӣ пурра анҷом дода шуда, беш аз 30 нафар ба омӯзиш фаро гирифта шудаанд.

Маҳз заҳмату талошҳои шабонарӯзӣ буд, ки ӯ дар кутоҳтарин муддат соҳиби маркази забономӯзӣ гашт.

Ин ҷавон ҳамаи муваффақиятҳои худро дар ободиву озодии кишвар мебинад. “Фидокориҳои Сарвари давлат муҳтарам Эмомалӣ Раҳмон барои Ватан, миллат ва тақвияти худшиносӣ ба халқи Тоҷикистон мо, ҷавонони тоҷикро дар ҷодаи фаъолият ҳамеша рӯҳу илҳоми тоза ва қудрату неруи нав мебахшад. Аз ҳамаи ин имкониятҳо истифода бурда, кӯшиш мекунам, ки саҳми худро дар ҷомеа гузорам. Бо кушодани маркази “Ҷавонон” 4 ҷавони омӯзгорро соҳиби ҷойи кор намудам. Мақсади асосиам ҷавонону наврасонро ба забономӯзӣ ҷалб кардан, онҳоро аз ҳар гуна корҳои номатлуб дур кардан аст. Бо ҳамин роҳҳо мо метавонем бо ҷомеаи худ кумак расонем. Орзу дорам, шумораи забономӯзонро зиёдтар намуда, боз чанд ҷавонро ба кор ҷалб намоям. Инчунин ҷавононро дар ин марказ дастгирӣ мекунам”, -гуфт Сироҷиддин ҳангоми суҳбат.

Сироҷиддин аз аввал ба забонҳои хориҷӣ аҳамияти ҷиддӣ медод. Мехост забондон ё тоҷир шавад. Аммо бо маслиҳати устодаш аз тиҷорат худро дур кард. Ӯ кӯшиш кард, ки мақсади бузургтаре назди худ гузорад, то ки ба ҷомеа нафъи бештаре расонад. Ҳамин тавр, Сироҷиддин маркази забономӯзӣ боз намуд.

Дар вилояти Хатлон, бахусус аз дар маркази вилоят - шаҳри Бохтар беш 20 маркази забономӯзӣ фаъолият мекунад. Аммо Сироҷиддин бо вуҷуди рақобати шадид, пардохти ҳаққи моҳонаи забономӯзиро нисбати дигарон арзонтар намуда, муштарии зиёд пайдо кард. Ҳамчунин ӯ иброз намуд, ки марказ ятимони кул ё ҷавононеро, ки хоҳиши хондан доранду шароит надоранд, ройгон таълим медиҳад.

Имрӯз дар ин марказ забонҳои англисию русӣ, чинию олмонӣ ва туркӣ омӯзонида мешаванд.

- Худам донандаи забонҳои русӣ ва англисӣ ҳастам. Вақте дидам, ки алоқамандони омӯзиши забонҳои хориҷӣ зиёд аст, тасмимамро дигар кардам. Ва бо пешниҳоду дастгирии чанд устоди донишгоҳ ин марказро таъсис додам. Айни ҳол дар маркази забономӯзии “Ҷавонон” чаҳор донишҷӯи донандаи забонҳои хориҷӣ ба кор ҷалб гардидаанд, -мегӯяд Сироҷиддин Файзалиев.
Муҳаммад Имомназар дар баробари таҳсил дар донишгоҳ, инчунин дар маркази забономӯзӣ кору фаъолият мекунад. Ӯ ба хоҳишмандон забони русиро меомӯзонад. - Ростӣ, хурсанд аз онам, ки соҳиби ҷои кор ва маош гардидам. Бояд чунин марказҳо зиёд бошад, то ҷавонону наврасон ба омӯзиши забонҳои хориҷӣ машғул гарданд. Фаъолияти марказро ҳанӯз як моҳ нашудааст, вале алоқамандони омӯзиши маркази мо рӯз аз рӯз афзуда истодааст. Шояд ҳамин марказҳо зиётар шаванду ҷавонони бештаре ба забономӯзӣ ҷалб шаванд, - гуфт номбурда
Сироҷиддин Файзалиев, ин ҷавони 20-сола бо омӯзиши пайваста мехоҳад, дар оянда низ ба навоварӣ машғул гардида, баҳри рушди забономӯзӣ саҳм гузорад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.