26 август зери ин унвон бо муҳассилини Мактаби президентӣ барои хонандагони болаёқат дар шаҳри Бӯстон дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон хониши сиёсӣ доир гардид.

Чорабиниро ҷонишини директори мактаби мазкур оид ба корҳои тарбия Исомитдинов Ҷумабой ҳусни ифтитоҳ бахшид. Сипас, мудири Бахши кор бо ҷавонон ва варзиши шаҳри Бӯстон Исмоилзода Хусравшоҳ оид ба пешгирии шомилшавии ҷавонон ба ҳизбу ҳаракатҳои ғайриқонунӣ, бегонапарастӣ, пешгирии бемориҳои сироятӣ, аз ҷумла коронавирус суханронӣ намуда, ҷавононро ба ҳимояи барзу бум, манфиатҳои миллӣ ва дӯст доштани Ватан даъват намуд.

Ҳамзамон, мутахассиси пешбари Раёсати кор бо ҷавонон ва варзиши вилояти Суғд Каримов Бахтиёр оид ба дастгириҳои давлатии ҷавонон ибрози ақида намуд.