ҶАВОНОН
Душанбе 06 Июл 2020 10:52
3534
Бо ибткори Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба “Соли ҷавонон” рӯзи 29 сентябри соли ҷорӣ дар шаҳри Қӯрғонтеппа конференсияи ҷумҳуриявии илмӣ-назариявӣ ва амалӣ дар мавзӯи «Пайравӣ аз Пешвои миллат, нақши ҷавонон дар рушди ҷанбаҳои гуногуни сиёсӣ» баргузор гардид.

Дар конференсия раиси Кумитаи кор бо ҷавонон ва варзиши назди Ҳукумати Чумҳурии Тоҷикистон Аҳтам Абдуллозода, муовини раиси вилояти Хатлон Махфират Хидирзода, олимони ҷавон, муҳаққиқон ва дорандагони Ҷоизаи ба номи Исмоили Сомонӣ дар соҳаи илм иштирок намуданд.

Пеш аз оғози конфронс намоиши дастовардҳои олимони ҷавон намоиш дода шуд, ки аз ҷониби меҳмонон баҳои баланд гирифтанд.

Сипас, Махфират Хидирзода ба сухан баромада, ҳамаи олимону ҷавононро ба маркази вилояти Хатлон хайра мақдам гуфт. Аз ҷумла қайд кард, ки муҳаққиқон ва ихтироъкорони ҷавони вилоят дар “Соли ҷавонон” дар бисёр самтҳо ба дастовардҳои назаррас ноил гардидаанд.

Аҳтам Абдуллозода дар идомаи конференсия гуфт, ки имрӯзҳо ҷавонони кишвар дар тамоми соҳаҳои ҳаёти сиёсиву иқтисодӣ ва иҷтимоии мамлакат кору фаъолият доранд ва дар рушду пешрафти он саҳми босазои худро мегузоранд. Инчунин иброз намуд, ки ташаббусу пешниҳодҳои созандаи ҷавонон аз ҷониби Ҳукумати ҷумҳурӣ ҳамеша дастгирӣ ёфта, баҳри амалӣ гардидани онҳо тамоми шароит ва имкониятҳои зарурӣ фароҳам оварда мешавад.

Дар хотимаи конфронс байни иштирокчиён саволу ҷавоб доир гардида, олимони соҳа доир ба мавзуҳои гуногун ибрози андеша намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.