ҶАВОНОН
Душанбе 17 Феврал 2020 11:04
6852
Имрӯз дар Маркази матбуотии ҷумҳуриявии АМИТ “Ховар” нишасти матбуотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир шуд.

Раҳмонзода Абдулло Қурбоналӣ, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни нишаст аз фаъолияти яксолаи кумита натиҷагирӣ карда, иброз намуд: “Дар натиҷаи ҳамкориҳои мутақобилан судманди Кумита бо вазорату идораҳо, ташкилоту муассисаҳо, ҷомеаи шаҳрвандӣ, бахши хусусию соҳибкорони ватанӣ ва ВАО дар самти татбиқи амалии сиёсати давлатии кор бо ҷавонон ва варзиш дар соли 2019, 25690 чорабинӣ бо фарогирии 4 миллиону 61 ҳазору 601 нафар сокинони ҷумҳурӣ баргузор намуд, ки дар самти кор бо ҷавонон 18 ҳазору 525 чорабиниҳои гуногуни сиёсӣ, фарҳангию маърифатӣ, омӯзишию илмӣ, сиёсию иттилоотӣ бо фарогирии 2 миллиону 930 ҳазору 594 нафар наврасону ҷавонон баргузор карда шуданд”.

“Мавриди зикр аст, ки 994 маротиба дар мусобиқаҳои сатҳи байналмилалӣ Парчами давлатӣ баланд бардошта шуда, 355 маротиба Суруди миллии Ҷумҳурии Тоҷикистон садо додааст. Тибқи омори сиёсати давлатии ҷавонон шумораи волонтёрон, аъзоёни маҳфили “Ҷавонон-пайравони Пешвои миллат” дар кишвар 5210 нафарро ташкил медиҳанд, ки аз ҷониби бевоситаи волонтёрон дар давраи ҳисоботӣ 2272 адад силсилаи чорабиниҳои маърифатию машваратӣ, омӯзишию илмӣ, фарҳангию фароғатӣ ва варзишию солимгардонӣ бо фарогирии 84 820 нафар ҷавонон баргузор гардидаанд”, - гуфт дар идома Раҳмонзода Абдулло Қурбоналӣ, раиси Кумитаи кор бо ҷавонон ва варзиш.

Вобаста ба масъалаи гузаронидани аксияҳо ва семинарҳо дар соли 2019 таъкид гардид, ки соли сипаришуда, 1412 аксия-ҳамоишҳо бо иштироки 501748 нафар ҷавонон ва тақсими 439 102 адад маводи иттилоотӣ дар ҷумҳурӣ баргузор шудааст. Бахшида ба солҳои ‎2019-2021 “Солҳои рушди деҳот, сайёҳӣ ва ҳунарҳои мардумӣ” аз тарафи масъулини Кумита ва сохторҳои маҳаллӣ 1065 семенар-тренингҳои омӯзишӣ бо иштироки 52223 нафар ҷавонон таҳти унвонҳои “Иштироки ҷавонон дар бартарафсозии омилҳои номатлуби иҷтимоӣ”, “Мо-ҷавонон амалҳои ифротиро маҳкум мекунем”, “Нақшаи ҷавонон дар мубориза бо терроризм ва экстремизм” ва ғайра доир гардидаанд.

Дар идома вобаста ба масъалаи ҷавонон гуфта шуд, ки дар замони муосир рӯ овардан ба масъалаи ҷавонон ва истифода аз имкониятҳои зеҳниву ҷисмонии онҳо яке аз шартҳои калидии инкишофи устувори давлат ва ҷомеа мебошад. Ҷавонони соҳибистеъдод ва босавод дар ҳама давру замон дар ҷомеа обруву эътибори хосса дошта, дар рушди самтҳои муҳими ҳаёти ҷомеа нақши созанда мегузоранд.

“Дар заминаи сиёсати ҷавонпарварона ва таваҷҷӯҳи хосаи Пешвои муаззами миллат, Ҷоизаи ба номи Исмоили Сомонӣ таъсис дода шудааст, ки он барои ҳавасмандгардонию қадрдонии олимони ҷавон, ки дар соҳаи илм ва техника дастовардҳои назаррас доранд, баргузор карда шуда, аз ҷониби Комиссияи босалоҳият номзадии 67 нафар олимони ҷавон барои муайян намудани ғолибони озмуни Ҷоизаи ба номи Исмоили Сомонӣ мавриди баррасӣ қарор дода шуда, сипас 11 нафар дар соли 2019 Ҷоизаро сазовор гардиданд”, - афзуд Раҳмонзода Абдулло Қурбоналӣ.

Бо қаноатмандӣ зикр гардид, ки дар соли хониши ‎2019-2020, 400 нафар ҷавонони фаъоли кишвар гирандаи стипендияи Президентӣ гардиданд. Инчунин дар қаламрави ҷумҳурӣ барои 2055 нафар ҷавонони лаёқатманду соҳибистедод стипендияҳои Президентӣ, Раиси Кумитаи кор бо ҷавонон ва варзиш, раисони вилоят ва шаҳру ноҳияҳои ҷумҳурӣ низ таъсис дода шудааст.

Ҷиҳати бо шуғл фаро гирифтани ҷавонон гуфта шуд, ки дар ҷумҳурӣ соли 2019, 567 ярмаркаи ҷойҳои кории холӣ баргузор шуда, дар онҳо 38079 ҷойи корӣ пешниҳод гардид ва 93917 нафар барои дарёфти ҷойи кор муроҷиат намуданд. Аз шумораи умумии муроҷиаткунандагон 14112 нафар бо ҷойи кор таъмин гардида, 8988 нафар ба курсҳои бозомӯзӣ фаро гирифта шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.