ҶАВОНОН
Сешанбе 23 Октябр 2018 04:13
3856
Дар ҷумҳурӣ 134 мактабҳои варзишӣ фаъолият карда, дар онҳо 3165 гуруҳҳо бо фарогирии 31349 машқварзони наврасу ҷавон фаро гирифта шудааст.

Раиси Кумитаи кор бо ҷавонон ва варзиш Аҳтам Абдуллозода, зимни нишасти хабарӣ дар ин бора суханронӣ намуда, иброз дошт, ки “Аз ҷумла 5 мактаби маҳорати олии варзишии ҷумҳуриявӣ, 1 Маркази омодагии олимпӣ дар шаҳри Хоруғ, 2 мактаби маҳорати олии варзишии вилоятӣ, 3 мактаби махсуси варзишии ҷумҳуриявӣ, 12 мактабҳои махсуси варзишии захираҳои олимпӣ, 90 муассисаҳои (мактабҳои) варзишӣ дар шаҳру ноҳияҳо ва 21 адад мактабҳои варзишии тобеъ ба Иттифоқҳои касабаи мустақил ва ташкилоти ҷамъиятии “Ҳосилот” фаъолият доранд”.

Ҳамчунин, номбурда зикр намуд, ки дар мусобиқаҳои байналмилалӣ дар давраи ҳисоботӣ бо маблағгузории Кумита дар ҳаҷми 988 818 сомонӣ 305 нафар варзишгарон (26 нафарашон бонувон) ба 42 чорабинии варзишӣ сафарбар гардиданд. Аз ҷониби муассисаҳои варзишии тобеи Кумита ба мусобиқаҳои байналмилалӣ 105 нафар варзишгарон бо харҷи 587 274 сомонӣ ва аз ҳисобу буҷети вилоятҳо ва шаҳру ноҳияҳои кишвар бошад 1 081 468 сомонӣ ҷудо карда шуда, барои сафарбаркунонии 478 варзишгар равона гардиданд. Харҷи умумии маблағҳо барои сафарбар намудани варзишгарон ба мусобиқаҳои байналмилалӣ аз ҳисобӣ буҷетӣ давлатӣ дар солӣ 2017, 2 656 560 сомониро ташкил медиҳад.

Бо хушнудӣ гуфта шуд, ки соли 2017 варзишгарон ба хазинаи варзишии ҷумҳурӣ 425 медал (121 тилло, 116 нуқра ва 188 биринҷӣ) ворид намуда, натиҷаҳои ба дастовардаи варзишгарон нисбат ба ҳамин давраи соли гузашта 177 медал зиёд мебошад.

Дар идомаи нишаст роҷеъ ба сарфароз гардонидани варзишгарон ба унвонҳои варзишӣ суханронӣ гардида, таъкид шуд, ки Комиссияи унвондиҳии Кумита 2 маротиба ҷамъ шуда, 228 ҳуҷҷати барои гирифтани унвони варзишӣ пешниҳод гардидаро мавриди баррасӣ қарор дод. Дар натиҷа, 21 нафар ба “Номзади Устоди варзиши Ҷумҳурии Тоҷикистон”, 138 нафар ба “Устоди варзиши Ҷумҳурии Тоҷикистон”, 15 нафар ба “Устоди варзиши дараҷаи байналмилалӣ” ва 1 нафар ба “Устоди шоистаи варзиши Ҷумҳурии Тоҷикистон” сарфароз гардонида шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.