ҶАВОНОН
Якшанбе 08 Сентябр 2024 04:48
![8243](/upload/iblock/c65/4.jpg)
Фасли зимистон. Ҳавои сард. Барфҳои дона-дона. Оби хунуки дарё. Духтараке хобида миёни об. Ӯ метозад. Ҷониби духтар. Пайи наҷот. Бо ҳаяҷон. Пойҳо ғутида дар об. Беҳаракат шуда аз сардӣ. Дастон дар ҳолати карахтӣ. Аммо духтарро берун мекунад аз об...
Таҳиягарони филм каф мекӯбанд. Қаноатманд мегарданд. Ин саҳнаро қабул мекунанд. Ба қаҳрамон аҳсан мехонанд.
Ин яке аз лаҳзаҳои муассирест аз филм. Филми тозаистеҳсоли “Охирин сайди саёд”. Ин ҳолатро ба мо чунин таъсирбахш месозад офарандаи нақш. Ӯ кист?
Ҷавон, кордон, пурҳунар. Пурталош. Номаш ошно дар чанд вақти охир барои дӯстдорони синамои ватанӣ. Чеҳраи навин бо андешаҳои рангин дар олами синамо. Ородиҳандаи боғҳои душанбеи дилоро - Ҷовидон Маҳмадов.
Дар чанд филми дохилӣ нақшҳои лаҳзавию марказӣ бозида.
Ӯ 26 сол дорад. Зодгоҳаш ноҳияи Восеъ. Аз хурдӣ шавқ дошта ба ҳунармандӣ. Тамошогари пайвастаи филмҳо. Ин меҳр шояд беҳудуд буда, ки убур месозад сарҳадро. Ӯро мебарад то Русия. Хатм мекунад аз рӯи ихтисоси коргардон – актёр Донишкадаи маданияти шаҳри Челябинскро. Бозгашташ ба ватан чеҳрае меоварад барои синамои тоҷик. Чеҳраи соҳибистеъдодеро. Акнун бо фурӯзон кардани меҳри доштааш нисбат ба ин пеша мехоҳад ахтари тобноке бигардад. Дар олами синамо. Ҳамчунин корманди хубе дар театр. Чун дар театри давлатии тамошобини ҷавон ба номи Муҳаммадҷон Қосимов - “Аҳорун” таҷрибаомӯзӣ мекунад ба сифати коргардон. Хостгори омода намудани намоишномаи “Хостгорӣ”-ст.
“Марги бегуноҳ” - филме, ки тавлиди ҳунармандии ӯ дар синамо буд. Нақши донишҷӯеро мебозид. Донишҷӯе, ки ҳангоми баргаштан аз шаҳр парронида мешавад. Қурбонӣ мегардад. Ба бадкориҳои солҳои ҷанги шаҳрвандӣ. Ин саҳна ҳамагӣ чанд лаҳзаҳаке. Аммо таъсираш ба шавқу шӯри Ҷовидон бепоён.
Сипас, ба филми “Бозии тақдир”-и коргардон Муҳаммадрабии Исмоил даъват мегардад. Ба нақши ҷавони аз хурдӣ маҳруммонда аз модар ва қарордошта дар тарбияи падар. Бо чунин нақшҳо назаррас мегардид. Ба чашми коргардонҳо. Ин буд, ки аз озмуни баргузоргардида аз миёни дигарон интихоб гардид. Коргардон Носирҷон Саидов низ дар филми худ ҷой дод барои Ҷовидон. Филми “Роҳ” низ бо нақшбозии ӯ сабт гардид. Образи Ромишро офарид.
Фаъолияташ дар “Тоҷик-филм” назаррас мегардад. Дар ин ҳунаргоҳ аллакай чун ҷавони серталошу пурҳунар шинохта мешавад.
Филми “Охирин сайди сайёд” ҷадидтарин филмест падид омада, рӯи пардаи синамо. Филме ки дар соҳаи филмофарии тоҷик бозёфт хонда шуд. Тамошобинон хуш пазируфтанд. Ба ҳунари ҳунармандон аҳсан хонданд. Хусусан ба симои марказии филм Сайёд. Ҷавони боҷасорат. Шуҷоъ. Мубориз. Чӣ гуна ба Ҷовидон Маҳмадов насиб гардид ин нақш?
Боз ҳам озмун доир гардид. Ин бор интихоб мегардид офарандаи нақши марказӣ. Дар филми коргардон Муҳаммадрабии Исмоил - “Охирин сайди сайёд”. Албатта бе ҳузури Ҷовидон не. Чун ӯро шавқу шӯру хоҳиш ба ҳар ҷо мебурд. Ба ҳар макон сар мезад. Хусусан ба чунин майдони озоди санҷиши ҳунар. Ин бор бештар аз ҳар бор муаррифӣ мекунад ҳунари худро. Эътимод мебандад ба худ. Омодагӣ мебинад ба нақши марказӣ. Ҳанӯз қабл аз интихоб гардидан. Чун зиёд ташнаи офаридани ин нақш буд. “Сайёд”- и ҳунар “сайд”- и худро ба даст меоварад. Соҳиби ин нақш мегардад. Барои хуб офариданаш талош мекунад.
-Ҳангоми ба наворгирӣ бо душвориҳи зиёд рӯ ба рӯ мешудем. Шаб он қадр нотоб мегардидам, ки фардо аз ҷо баланд шуданам дар гумон буд. Аммо бо тулӯи субҳ, мисле ки қувваи нав мегирифтам ва пайи сабт кардани дигар саҳнаҳо мешитофтам. Шояд ин муъҷизаи ҳунарест, ки дар қалбам мепарварам.- мегӯяд ӯ.
Ҷовидон Маҳмадов ба тамошобинон қаблтар аз филми “Охирин сайди саёд” муаррифӣ гардид. Бо филми кӯтоҳи “Журналист”. Филме, ки мушкилиҳои давраи ҳамагири COVID- 19-ро фаро мегирад. Ҳаёти як рӯзноманигори ҷавонро дар ин рӯзҳо. Садоқати ӯро ба пешааш. Лаҳзаҳои саргузашти ӯро Ҷовидон ба тамошобин расонид. Бо ҳунар. Бо он маҳорате,ки танҳо чанд лаҳза пешорӯи бинанда мегардад. Аммо чандин вақтҳо кашидани заҳмат мехоҳад.
Барои Ҷовидон таътил табдил ёфта ба вақти кор. Ба замони талошварзӣ. Нишон додани ҳунар. Зеро ба ҳар филми нақшофаридааш дар таътил даъват шуда. Ӯ дар чанд моҳи аз таҳсил дур бо “Тоҷикфилм” наздик буд. Мисле, ки амалӣ мекард, донишҳои назарии худро.
Дар оғоз ородиҳандаи боғҳо хондемаш. Дар баробари зебдиҳандаи синамо будан. Чун ҳунари дигарро ҳам дорост. Ҳайкалтароширо. Ба омӯхтани ин ҳунар низ сабаб меҳр варзидан ба синамост. Филми “Рустам ва Суҳроб” омили асосии соҳиб шудан ба ин ҳунар. Ҳангоми тамошои яке аз лаҳзаҳои филм, ҳайкалтарошии Суҳроб шефтааш месозад. Азм мекунад то биомӯзад. Меандешад шояд барояш чун ҳунарманд лозимист. Ҳоло ҳайкалҳои дар қолаби ҳайвоноту парранда сохтааш зиннат мебахшанд боғҳоро. Дарак медиҳанд аз зебогии як ҳунар. Аз сеҳри як даст.
Чун пурҳунараш гуфтем. Иштибоҳан набуда. Зеро навохтани чанде аз асбобҳои мусиқиро низ балад аст. Ҳамчунин зери навои офаридааш замзама мекунад. Яъне сокини дунёи мусиқӣ низ ҳаст. Ин ҳунарҳо имконаш медиҳанд, то офарандаи симоҳои гуногун дар синамо бошад.
Ҷовидони ҷавон дӯстдори ҳунари худ аст. Пайи рушдаш мекӯшад. Барояш кор дар фазои ҳунар басо гуворост. Хусусан офаридани нақш бо устодони синамо. Бо онҳое, ки меҳри ин пешаро тавассути ҳунарнамоии худ бедор сохтанд, дар қалбаш. Имрӯз натиҷаи онро мебинанд. Ҳузури як чеҳраи аз ҳунар саршор дар канорашон. Нақшаҳо зиёданду қадамҳо устувор. Барои расидан ба онҳо азмаш мададгор.
-Мехоҳам бо истифода аз ҳар чизи омӯхтаам саҳм гузорам дар рушди театру синамои тоҷик,- мегӯяд Ҷовидон Маҳмадов.
Умедворем бирасад ба кулли хостаҳо. Умедворем амалӣ созад, ҷумла нақшаҳо. Умедворем ҳунари Ҷовидон бимонад ҷовидона.
Таҳиягарони филм каф мекӯбанд. Қаноатманд мегарданд. Ин саҳнаро қабул мекунанд. Ба қаҳрамон аҳсан мехонанд.
Ин яке аз лаҳзаҳои муассирест аз филм. Филми тозаистеҳсоли “Охирин сайди саёд”. Ин ҳолатро ба мо чунин таъсирбахш месозад офарандаи нақш. Ӯ кист?
Ҷавон, кордон, пурҳунар. Пурталош. Номаш ошно дар чанд вақти охир барои дӯстдорони синамои ватанӣ. Чеҳраи навин бо андешаҳои рангин дар олами синамо. Ородиҳандаи боғҳои душанбеи дилоро - Ҷовидон Маҳмадов.
Дар чанд филми дохилӣ нақшҳои лаҳзавию марказӣ бозида.
Ӯ 26 сол дорад. Зодгоҳаш ноҳияи Восеъ. Аз хурдӣ шавқ дошта ба ҳунармандӣ. Тамошогари пайвастаи филмҳо. Ин меҳр шояд беҳудуд буда, ки убур месозад сарҳадро. Ӯро мебарад то Русия. Хатм мекунад аз рӯи ихтисоси коргардон – актёр Донишкадаи маданияти шаҳри Челябинскро. Бозгашташ ба ватан чеҳрае меоварад барои синамои тоҷик. Чеҳраи соҳибистеъдодеро. Акнун бо фурӯзон кардани меҳри доштааш нисбат ба ин пеша мехоҳад ахтари тобноке бигардад. Дар олами синамо. Ҳамчунин корманди хубе дар театр. Чун дар театри давлатии тамошобини ҷавон ба номи Муҳаммадҷон Қосимов - “Аҳорун” таҷрибаомӯзӣ мекунад ба сифати коргардон. Хостгори омода намудани намоишномаи “Хостгорӣ”-ст.
“Марги бегуноҳ” - филме, ки тавлиди ҳунармандии ӯ дар синамо буд. Нақши донишҷӯеро мебозид. Донишҷӯе, ки ҳангоми баргаштан аз шаҳр парронида мешавад. Қурбонӣ мегардад. Ба бадкориҳои солҳои ҷанги шаҳрвандӣ. Ин саҳна ҳамагӣ чанд лаҳзаҳаке. Аммо таъсираш ба шавқу шӯри Ҷовидон бепоён.
Сипас, ба филми “Бозии тақдир”-и коргардон Муҳаммадрабии Исмоил даъват мегардад. Ба нақши ҷавони аз хурдӣ маҳруммонда аз модар ва қарордошта дар тарбияи падар. Бо чунин нақшҳо назаррас мегардид. Ба чашми коргардонҳо. Ин буд, ки аз озмуни баргузоргардида аз миёни дигарон интихоб гардид. Коргардон Носирҷон Саидов низ дар филми худ ҷой дод барои Ҷовидон. Филми “Роҳ” низ бо нақшбозии ӯ сабт гардид. Образи Ромишро офарид.
Фаъолияташ дар “Тоҷик-филм” назаррас мегардад. Дар ин ҳунаргоҳ аллакай чун ҷавони серталошу пурҳунар шинохта мешавад.
Филми “Охирин сайди сайёд” ҷадидтарин филмест падид омада, рӯи пардаи синамо. Филме ки дар соҳаи филмофарии тоҷик бозёфт хонда шуд. Тамошобинон хуш пазируфтанд. Ба ҳунари ҳунармандон аҳсан хонданд. Хусусан ба симои марказии филм Сайёд. Ҷавони боҷасорат. Шуҷоъ. Мубориз. Чӣ гуна ба Ҷовидон Маҳмадов насиб гардид ин нақш?
Боз ҳам озмун доир гардид. Ин бор интихоб мегардид офарандаи нақши марказӣ. Дар филми коргардон Муҳаммадрабии Исмоил - “Охирин сайди сайёд”. Албатта бе ҳузури Ҷовидон не. Чун ӯро шавқу шӯру хоҳиш ба ҳар ҷо мебурд. Ба ҳар макон сар мезад. Хусусан ба чунин майдони озоди санҷиши ҳунар. Ин бор бештар аз ҳар бор муаррифӣ мекунад ҳунари худро. Эътимод мебандад ба худ. Омодагӣ мебинад ба нақши марказӣ. Ҳанӯз қабл аз интихоб гардидан. Чун зиёд ташнаи офаридани ин нақш буд. “Сайёд”- и ҳунар “сайд”- и худро ба даст меоварад. Соҳиби ин нақш мегардад. Барои хуб офариданаш талош мекунад.
-Ҳангоми ба наворгирӣ бо душвориҳи зиёд рӯ ба рӯ мешудем. Шаб он қадр нотоб мегардидам, ки фардо аз ҷо баланд шуданам дар гумон буд. Аммо бо тулӯи субҳ, мисле ки қувваи нав мегирифтам ва пайи сабт кардани дигар саҳнаҳо мешитофтам. Шояд ин муъҷизаи ҳунарест, ки дар қалбам мепарварам.- мегӯяд ӯ.
Ҷовидон Маҳмадов ба тамошобинон қаблтар аз филми “Охирин сайди саёд” муаррифӣ гардид. Бо филми кӯтоҳи “Журналист”. Филме, ки мушкилиҳои давраи ҳамагири COVID- 19-ро фаро мегирад. Ҳаёти як рӯзноманигори ҷавонро дар ин рӯзҳо. Садоқати ӯро ба пешааш. Лаҳзаҳои саргузашти ӯро Ҷовидон ба тамошобин расонид. Бо ҳунар. Бо он маҳорате,ки танҳо чанд лаҳза пешорӯи бинанда мегардад. Аммо чандин вақтҳо кашидани заҳмат мехоҳад.
Барои Ҷовидон таътил табдил ёфта ба вақти кор. Ба замони талошварзӣ. Нишон додани ҳунар. Зеро ба ҳар филми нақшофаридааш дар таътил даъват шуда. Ӯ дар чанд моҳи аз таҳсил дур бо “Тоҷикфилм” наздик буд. Мисле, ки амалӣ мекард, донишҳои назарии худро.
Дар оғоз ородиҳандаи боғҳо хондемаш. Дар баробари зебдиҳандаи синамо будан. Чун ҳунари дигарро ҳам дорост. Ҳайкалтароширо. Ба омӯхтани ин ҳунар низ сабаб меҳр варзидан ба синамост. Филми “Рустам ва Суҳроб” омили асосии соҳиб шудан ба ин ҳунар. Ҳангоми тамошои яке аз лаҳзаҳои филм, ҳайкалтарошии Суҳроб шефтааш месозад. Азм мекунад то биомӯзад. Меандешад шояд барояш чун ҳунарманд лозимист. Ҳоло ҳайкалҳои дар қолаби ҳайвоноту парранда сохтааш зиннат мебахшанд боғҳоро. Дарак медиҳанд аз зебогии як ҳунар. Аз сеҳри як даст.
Чун пурҳунараш гуфтем. Иштибоҳан набуда. Зеро навохтани чанде аз асбобҳои мусиқиро низ балад аст. Ҳамчунин зери навои офаридааш замзама мекунад. Яъне сокини дунёи мусиқӣ низ ҳаст. Ин ҳунарҳо имконаш медиҳанд, то офарандаи симоҳои гуногун дар синамо бошад.
Ҷовидони ҷавон дӯстдори ҳунари худ аст. Пайи рушдаш мекӯшад. Барояш кор дар фазои ҳунар басо гуворост. Хусусан офаридани нақш бо устодони синамо. Бо онҳое, ки меҳри ин пешаро тавассути ҳунарнамоии худ бедор сохтанд, дар қалбаш. Имрӯз натиҷаи онро мебинанд. Ҳузури як чеҳраи аз ҳунар саршор дар канорашон. Нақшаҳо зиёданду қадамҳо устувор. Барои расидан ба онҳо азмаш мададгор.
-Мехоҳам бо истифода аз ҳар чизи омӯхтаам саҳм гузорам дар рушди театру синамои тоҷик,- мегӯяд Ҷовидон Маҳмадов.
Умедворем бирасад ба кулли хостаҳо. Умедворем амалӣ созад, ҷумла нақшаҳо. Умедворем ҳунари Ҷовидон бимонад ҷовидона.
Эзоҳи худро нависед