Дар толори мақомоти иҷроияи ҳокимияти давлатии ноҳияи Рӯдакӣ, санаи 9 январ, мулоқоти раиси ноҳия Акрамзода Рустам бо ҷавонон баргузор гардид.

Дар мулоқот ҷавонон аз сохторҳои маҳаллӣ, мақомотҳои ҳифзи ҳуқуқ, афсарон, варзишгарон, гирандагони Стипендияи президентӣ, омӯзгорони ҷавон, табибони ҷавон ва дигар фаъолони ҷавон иштирок намуданд.

Акрамзода Рустам, раиси ноҳияи Рӯдакӣ зимни баромади хеш ҷавононро ба дӯст доштани Ватан, дониш аз бар кардан, омӯхтани забонҳои хориҷӣ, шомил нашудан ба гурӯҳҳои тундрав, фаъолияти хуби корӣ нишон додан ва содиқ будан ба Ватан даъват намуданд.

Сипас ҳисоботи мудири Бахши кор бо ҷавонон ва варзиши ноҳия А. Сатторӣ доир ба фаъолияти бахш дар самти ҷавонон ва варзиш шунида шуд.
  
Дар интиҳои чорабинӣ ба ҷавонони фаъоли ноҳия, ки дар соҳаҳои гуногун кору фаъолияти хуб доштанд, бо сипосномаи раиси ноҳия қадрдонӣ гардида, инчунин шаҳодатнома, сипоснома ба волидайни гирандагони стипендия ва маблағи стипендияи раиси ноҳия ба барандагони стипендия супорида шуд.