Бо ибтикори Бахши кор бо ҷавонон ва варзиши ноҳияи Мир Сайид Алии Ҳамадонӣ аксияи иттилоотӣ таҳти унвони “Масъулияти падару модар дар таълиму тарбияи фарзанд” доир карда шуд.

Дар аксия Тоҷиддин Қурбонов, роҳбари Клуби волонтёрони Раёсати кор бо ҷавонон ва варзиши вилояти Хатлон дар якҷоягӣ бо волонтёрони бахши кор бо ҷавонон ва варзиши ноҳия дар бозори марказӣ ва боғи фархангӣ-фароғатии ноҳия миёни аҳолӣ беш аз 300 адад варақаҳои иттилоотиро вобаста ба муҳтавои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” тақсим намуданд.