Бо ибтикори Бахши кор бо ҷавонон ва варзиши ноҳияи Бобоҷон Ғафуров аксияи таблиғотӣ ҷиҳати пешгирии зуҳуротҳои номатлуб, аз қабили терроризму экстремизм гузаронида шуд.

Дар рафти аксия беш аз 100 адад маводҳои таблиғотӣ миёни сокинон тақсим карда шуда, таъкид гардид, терроризм ва террористро ба худӣ ва бегона, ашаддӣ ва ислоҳгаро ё хубу бад ҷудо кардан мумкин нест ва террорист ватан, дин, мазҳаб ва миллат надорад. Аз ин рӯ, ҷиҳати пешгирии он бояд тамоми аъзои ҷомеа зиддият нишон диҳанд ва онро маҳкум намоянд.