ҶАВОНОН
Ҷумъа 19 Апрел 2024 07:53
Ӯро васлгари олами моддӣ ва маънавӣ, пайвасткунандаи ҳикмати шарқу тафаккури соҳибкории ғарб, ташаккулдиҳандаи шахсияту кашшофи иқтидори сарварии инсонҳо меноманд.
Вақте Алекс ҳамагӣ 32 сол дошт, гардиши молии ширкати ӯ дар Ню-Йорк 30 миллион долларро ташкил дод. Солҳои баъдӣ Алекс ба ҳайати Шӯрои директорони якчанд иттиҳодияҳои байналмилалии миллиардерҳо шомил шуд. Айни ҳол Алекс вақти асосии худро сарфи омӯзиши сарварону пешвоёни оянда намуда, бо соҳибкорони тоза ба зинаҳои тиҷорат қадамгузошта тамрин мегузаронад.
Алекс Яновский дар таҷрибаи шахсиаш ҳаминро собит намуд, ки дар тиҷорат муҳимтар аз ҳама рушди шахсият аст, на маблағҳои ҳангуфт. Ба андешаи ӯ таҷрибаи чандинсола, хоҳиши кашфи як чизи ҷадид на пагоҳ, балки худи ҳамин рӯз ва ҳамарӯза – ин аст роҳи ягонаи фарди муваффақ шудан.
АЙЁМИ ТАКОПӮ ВА ҶУСТУҶӮҲО
Алекс Яновский зодаи Украина буда, баъди 16-солагӣ таҳсилашро дар яке аз донишгоҳҳои мусиқии Санкт-Петербург идома дод. Устодаш яке аз профессорони машҳури олам Виктор Федорович Венгловский буд. Баъди се сол аҳли оилаи онҳо ба ИМА муҳоҷират намуд.
Алекс дар Ню-Йорк ба корҳои гуногун машғул шуд. Чун таъминоти модии хонавода ба дӯши ӯ буд, нахуст дар Макдоналс, баъдан ба ҳайси пешхизмат дар қаҳвахона кор кард. Баъдан Алекс дар Донишгоҳи миллии Сан-Диего таҳсил намуда, ҳамзамон дар якчанд ҷо кор мекард.
Бо назардошти қобилияти кордониаш ӯро дар ширкати ҳуқуқие ба ҳайси котиб қабул намуда, баъди якчанд моҳ ба вазифаи менеҷер таъин карданд. Дар ҳамин давра ӯ бо шахсияти шинохта Тони Роббинсон шинос шуда, аз ӯ бисёр чизҳоро омӯхт. Асарҳои шахсиятҳои шинохта, аз қабили Дипак Чопра, Брайан Трейси, Уэйн Даер, Уоррен Баффет, Ҷим Рон ва дигар соҳибкорони муваффақи давр ва устодони рушди шахсиятро бо мароқи зиёд мутолиа менамуд.
ОМӮЗИШИ МУТТАСИЛ БО МАҚСАДИ РУШДИ ШАХСИЯТ
Алекс бо роҳнамоии Роббинсон ва дастгирии устоди руҳониаш ширкати ҳуқуқии худро таъсис дод. Баъди як сол ӯ ширкати худро фурӯхта, ба Ню-Йорк кӯчид ва дар он ҷо ширкати ҷадиди худро кушод. Ҳамагӣ баъди ду сол гардиши моли ширкати ӯ 1 миллион долларро дар як сол ташкил дод. Баъди панҷ сол бошад, даромади ширкати ӯ дар 1 сол аллакай ба 35 миллион доллар баробар шуд.
Дар тӯли кору фаъолияти рӯзмарра ӯ ҳаргиз аз омӯхтану мутолиа ва тамринҳо дур намешуд, чунки аз устодон дарси хештаншиносӣ ва рушди шахсият меомӯхт. Алекс омода буд, ки ҳама дороии худро барои таҳсилу андӯхтани таҷрибаи мукаммал сарф намояд. Мавриди зикр аст, ки он замон маблағи барои таҳсил сарфнамудааш 800 000 долларро ташкил дода буд.
МАКТАБИ ТИҶОРАТ – МАКОНИ ТАВЛИДИ ОРЗУҲО
Алексро дар як вақт якчанд ширкати маъруфи Киев ва Маскав ба кор даъват менамуданд. Кору фаъолият дар ширкатҳои мухталиф донишу малака ва таҷрибаи ӯро афзун намуданд. Алекс Яновский тасмим гирифт, ки ҳаёти минбаъдаи хешро сарфи омӯзиши соҳибкорони ҷавон менамояд. Соли 2010 ӯ нахустин Донишгоҳи байналмилалии сарвариро таъсис дода, мутахассисони беҳтаринро дар он муттаҳид сохт. Баъдан нахустин онлайн-лоиҳаро бо номи Мактаби тиҷорати Алекс Яновский таъсис дод, ки дар он ба соҳибкорон роҳу усулҳои муваффақ шудану рушд намудан дар соҳаи худ омӯзонда шуда, ин машғулиятҳо ҷиҳати муайян намудани мавқеи шахс дар ҷомеа, ҳамчунин, ба роҳ мондани тиҷорати бобарор мусоидат менамоянд.
Комёбии шогирдон аз натиҷаҳои беҳтарини Мактаби Алекс Яновский маҳсуб меёбанд. Тавре худи Алекс иброз медорад: “Мактаби тиҷорати ман маҳз макони тавлиди орзуҳост. Ман аз шогирдони худ, аз муваффақиятҳои онҳо, аз он ки имкон доранд, ҳаёти худро ба таври дилхоҳашон тағйир бидиҳанд, ифтихор мекунам”.
Ӯ ба шогирдонаш мудом ин нуктаро таъкид мекунад: “Ҳаргиз ба касе иҷозат надиҳед, ки имконоти шуморо мавриди муҳокима қарор бидиҳанд. Ба ин танҳо ду нафар ҳақ доранд, ки яке худи шумоед, дуввумӣ устоди шумо”.
МАЪЛУМОТНОКӢ – ОМИЛИ АСОСИИ МУВАФФАҚИЯТ
Ҳамасола дар мактаби Алекс Яновский барномаҳои нави таълимӣ роҳандозӣ мегардад. Ӯ на танҳо онлайн-машғулиятҳо мегузаронад, балки тренингҳои озоду мустақими ӯ дар кишварҳои мухталифи олам, аз ҷумла дар Русия, Украина, Қазоқистон, Фаронса, Туркия, Кипр, Аморати Араб ва ғайраҳо доир карда мешаванд.
Ба андешаи Алекс арзиши соҳибкор ба андозаи даромади ӯ ва арзиши мутахассис ба андозаи музди моҳонаи ӯст. Барои он ки тиҷорат бобарор бошад, ба он бо хоҳиши зиёд, шавқу завқ ва ҷидду ҷаҳди беҳудуд машғул бояд шуд. Агар шахс идора кардани ҳар чизеро (пул, ширкат) аз худ кунад, албатта, соҳиби он мешавад. Аммо агар онро идора карда натавонад, онро соҳиб шуда наметавонад. Дониши дуруст ҳамон донишест, ки бе қонунвайронкунӣ барои пешрафту рушди мо – инсонҳо, кӯмак карда метавонад.
Фарқи байни одамони муқаррарӣ ва одамони муваффақ ҳамин аст, ки барои одамони муқаррарӣ чизи муҳим вақтхушӣ аст, барои одамони муваффақ бошад, маълумот, - мегӯяд Алекс Яновский.
ИМРӮЗИ МО АЗ ДИРӮЗ БЕҲТАР АСТ
Алекс Яновский муаллифи китобҳои “130 сифати шахси ғолиб”, “Кӣ ба ту миллион медиҳад?”, “Ту - ситораи савдо!”, “Стартап дар 15 қадам”, “Сарвар ва дастаи ӯ”, “Роҳбари манфиатовар”, “Фурӯши сатҳи баланд” мебошад. Китобҳои Алекс Яновский ҳамагӣ ба мавзӯҳои тиҷорати бобарору самарабахш бахшида шуда, саршор аз далелҳо ва иттилооти солиёни зиёд санҷидашуда мебошанд.
“Имрӯзи мо аз дирӯз беҳтар аст” – ин аст шиори Алекс Яновский ва мактаби ӯ. Айни ҳол ҳазорҳо шогирдони ӯ аз мактаби ин шахси муваффақ сабақ омӯхтаву роҳу равиши вижаи худро дар тиҷорат пайдо намудаанд.
МИЛЛИОНЕР ВА ТОҶИРИ КОРДОН
Дар муддати 18 моҳ тиҷорати Алекс аз 20 миллион рубл дар як моҳ ба анзодаи 120 миллион рубл афзоиш ёфт. Шумораи тарабхонаҳои шахсиаш бошад, аз 1 ба 95 адад расид. Дар муддати 4-5 соли охир дороии ӯ зиёда аз миллиард долларро ташкил дод.
“Тафаккури миллионер бояд тафаккури ҷадид бошад, - мегӯяд Алекс Яновский. – Ӯ бояд ба нерӯи худ, рушди шахсият ва мутобиқати самтҳои асосии ҳаёти худ, қонунҳои муваффақ шудан, таҷрибаи ашхоси муваффақи олам эътимоди комил дошта бошад.
Хусусиятҳои вижаи мактаби Алекс Яновский инҳоянд: фардият, тараққихоҳӣ, тартибот, муносиб будан, муҳити ҳамкорӣ ва натиҷаҳои мусбат.
ТИҶОРАТ ШАБЕҲИ ВАРЗИШ АСТ
Танҳо чемпионҳо ба саҳфаҳои таърих роҳ меёбанд. Дар тиҷорат низ чунин аст – ҳама қаймоқи ширро роҳбарони бозор соҳиб мешаванд. Боқимондаҳо фақат барои зинда мондан мубориза мебаранду резахӯрони хони онҳо мегарданд. Тоҷиронро мебояд, ки мисли варзишгарон ҳамарӯза малакаи хешро сайқал диҳанд.
ОМИЛҲОЕ, КИ МОНЕИ ТИҶОРАТИ БОБАРОР МЕГАРДАНД:
Надонистани роҳҳои идоракунии самаранок;
Рушди номукаммали малакаҳои роҳбарӣ;
Кори суст бо тобеон ва норасоии малакаи сарварӣ;
Идеологияи (мафкураи) нодуруст.
Вақте Алекс ҳамагӣ 32 сол дошт, гардиши молии ширкати ӯ дар Ню-Йорк 30 миллион долларро ташкил дод. Солҳои баъдӣ Алекс ба ҳайати Шӯрои директорони якчанд иттиҳодияҳои байналмилалии миллиардерҳо шомил шуд. Айни ҳол Алекс вақти асосии худро сарфи омӯзиши сарварону пешвоёни оянда намуда, бо соҳибкорони тоза ба зинаҳои тиҷорат қадамгузошта тамрин мегузаронад.
Алекс Яновский дар таҷрибаи шахсиаш ҳаминро собит намуд, ки дар тиҷорат муҳимтар аз ҳама рушди шахсият аст, на маблағҳои ҳангуфт. Ба андешаи ӯ таҷрибаи чандинсола, хоҳиши кашфи як чизи ҷадид на пагоҳ, балки худи ҳамин рӯз ва ҳамарӯза – ин аст роҳи ягонаи фарди муваффақ шудан.
АЙЁМИ ТАКОПӮ ВА ҶУСТУҶӮҲО
Алекс Яновский зодаи Украина буда, баъди 16-солагӣ таҳсилашро дар яке аз донишгоҳҳои мусиқии Санкт-Петербург идома дод. Устодаш яке аз профессорони машҳури олам Виктор Федорович Венгловский буд. Баъди се сол аҳли оилаи онҳо ба ИМА муҳоҷират намуд.
Алекс дар Ню-Йорк ба корҳои гуногун машғул шуд. Чун таъминоти модии хонавода ба дӯши ӯ буд, нахуст дар Макдоналс, баъдан ба ҳайси пешхизмат дар қаҳвахона кор кард. Баъдан Алекс дар Донишгоҳи миллии Сан-Диего таҳсил намуда, ҳамзамон дар якчанд ҷо кор мекард.
Бо назардошти қобилияти кордониаш ӯро дар ширкати ҳуқуқие ба ҳайси котиб қабул намуда, баъди якчанд моҳ ба вазифаи менеҷер таъин карданд. Дар ҳамин давра ӯ бо шахсияти шинохта Тони Роббинсон шинос шуда, аз ӯ бисёр чизҳоро омӯхт. Асарҳои шахсиятҳои шинохта, аз қабили Дипак Чопра, Брайан Трейси, Уэйн Даер, Уоррен Баффет, Ҷим Рон ва дигар соҳибкорони муваффақи давр ва устодони рушди шахсиятро бо мароқи зиёд мутолиа менамуд.
ОМӮЗИШИ МУТТАСИЛ БО МАҚСАДИ РУШДИ ШАХСИЯТ
Алекс бо роҳнамоии Роббинсон ва дастгирии устоди руҳониаш ширкати ҳуқуқии худро таъсис дод. Баъди як сол ӯ ширкати худро фурӯхта, ба Ню-Йорк кӯчид ва дар он ҷо ширкати ҷадиди худро кушод. Ҳамагӣ баъди ду сол гардиши моли ширкати ӯ 1 миллион долларро дар як сол ташкил дод. Баъди панҷ сол бошад, даромади ширкати ӯ дар 1 сол аллакай ба 35 миллион доллар баробар шуд.
Дар тӯли кору фаъолияти рӯзмарра ӯ ҳаргиз аз омӯхтану мутолиа ва тамринҳо дур намешуд, чунки аз устодон дарси хештаншиносӣ ва рушди шахсият меомӯхт. Алекс омода буд, ки ҳама дороии худро барои таҳсилу андӯхтани таҷрибаи мукаммал сарф намояд. Мавриди зикр аст, ки он замон маблағи барои таҳсил сарфнамудааш 800 000 долларро ташкил дода буд.
МАКТАБИ ТИҶОРАТ – МАКОНИ ТАВЛИДИ ОРЗУҲО
Алексро дар як вақт якчанд ширкати маъруфи Киев ва Маскав ба кор даъват менамуданд. Кору фаъолият дар ширкатҳои мухталиф донишу малака ва таҷрибаи ӯро афзун намуданд. Алекс Яновский тасмим гирифт, ки ҳаёти минбаъдаи хешро сарфи омӯзиши соҳибкорони ҷавон менамояд. Соли 2010 ӯ нахустин Донишгоҳи байналмилалии сарвариро таъсис дода, мутахассисони беҳтаринро дар он муттаҳид сохт. Баъдан нахустин онлайн-лоиҳаро бо номи Мактаби тиҷорати Алекс Яновский таъсис дод, ки дар он ба соҳибкорон роҳу усулҳои муваффақ шудану рушд намудан дар соҳаи худ омӯзонда шуда, ин машғулиятҳо ҷиҳати муайян намудани мавқеи шахс дар ҷомеа, ҳамчунин, ба роҳ мондани тиҷорати бобарор мусоидат менамоянд.
Комёбии шогирдон аз натиҷаҳои беҳтарини Мактаби Алекс Яновский маҳсуб меёбанд. Тавре худи Алекс иброз медорад: “Мактаби тиҷорати ман маҳз макони тавлиди орзуҳост. Ман аз шогирдони худ, аз муваффақиятҳои онҳо, аз он ки имкон доранд, ҳаёти худро ба таври дилхоҳашон тағйир бидиҳанд, ифтихор мекунам”.
Ӯ ба шогирдонаш мудом ин нуктаро таъкид мекунад: “Ҳаргиз ба касе иҷозат надиҳед, ки имконоти шуморо мавриди муҳокима қарор бидиҳанд. Ба ин танҳо ду нафар ҳақ доранд, ки яке худи шумоед, дуввумӣ устоди шумо”.
МАЪЛУМОТНОКӢ – ОМИЛИ АСОСИИ МУВАФФАҚИЯТ
Ҳамасола дар мактаби Алекс Яновский барномаҳои нави таълимӣ роҳандозӣ мегардад. Ӯ на танҳо онлайн-машғулиятҳо мегузаронад, балки тренингҳои озоду мустақими ӯ дар кишварҳои мухталифи олам, аз ҷумла дар Русия, Украина, Қазоқистон, Фаронса, Туркия, Кипр, Аморати Араб ва ғайраҳо доир карда мешаванд.
Ба андешаи Алекс арзиши соҳибкор ба андозаи даромади ӯ ва арзиши мутахассис ба андозаи музди моҳонаи ӯст. Барои он ки тиҷорат бобарор бошад, ба он бо хоҳиши зиёд, шавқу завқ ва ҷидду ҷаҳди беҳудуд машғул бояд шуд. Агар шахс идора кардани ҳар чизеро (пул, ширкат) аз худ кунад, албатта, соҳиби он мешавад. Аммо агар онро идора карда натавонад, онро соҳиб шуда наметавонад. Дониши дуруст ҳамон донишест, ки бе қонунвайронкунӣ барои пешрафту рушди мо – инсонҳо, кӯмак карда метавонад.
Фарқи байни одамони муқаррарӣ ва одамони муваффақ ҳамин аст, ки барои одамони муқаррарӣ чизи муҳим вақтхушӣ аст, барои одамони муваффақ бошад, маълумот, - мегӯяд Алекс Яновский.
ИМРӮЗИ МО АЗ ДИРӮЗ БЕҲТАР АСТ
Алекс Яновский муаллифи китобҳои “130 сифати шахси ғолиб”, “Кӣ ба ту миллион медиҳад?”, “Ту - ситораи савдо!”, “Стартап дар 15 қадам”, “Сарвар ва дастаи ӯ”, “Роҳбари манфиатовар”, “Фурӯши сатҳи баланд” мебошад. Китобҳои Алекс Яновский ҳамагӣ ба мавзӯҳои тиҷорати бобарору самарабахш бахшида шуда, саршор аз далелҳо ва иттилооти солиёни зиёд санҷидашуда мебошанд.
“Имрӯзи мо аз дирӯз беҳтар аст” – ин аст шиори Алекс Яновский ва мактаби ӯ. Айни ҳол ҳазорҳо шогирдони ӯ аз мактаби ин шахси муваффақ сабақ омӯхтаву роҳу равиши вижаи худро дар тиҷорат пайдо намудаанд.
МИЛЛИОНЕР ВА ТОҶИРИ КОРДОН
Дар муддати 18 моҳ тиҷорати Алекс аз 20 миллион рубл дар як моҳ ба анзодаи 120 миллион рубл афзоиш ёфт. Шумораи тарабхонаҳои шахсиаш бошад, аз 1 ба 95 адад расид. Дар муддати 4-5 соли охир дороии ӯ зиёда аз миллиард долларро ташкил дод.
“Тафаккури миллионер бояд тафаккури ҷадид бошад, - мегӯяд Алекс Яновский. – Ӯ бояд ба нерӯи худ, рушди шахсият ва мутобиқати самтҳои асосии ҳаёти худ, қонунҳои муваффақ шудан, таҷрибаи ашхоси муваффақи олам эътимоди комил дошта бошад.
Хусусиятҳои вижаи мактаби Алекс Яновский инҳоянд: фардият, тараққихоҳӣ, тартибот, муносиб будан, муҳити ҳамкорӣ ва натиҷаҳои мусбат.
ТИҶОРАТ ШАБЕҲИ ВАРЗИШ АСТ
Танҳо чемпионҳо ба саҳфаҳои таърих роҳ меёбанд. Дар тиҷорат низ чунин аст – ҳама қаймоқи ширро роҳбарони бозор соҳиб мешаванд. Боқимондаҳо фақат барои зинда мондан мубориза мебаранду резахӯрони хони онҳо мегарданд. Тоҷиронро мебояд, ки мисли варзишгарон ҳамарӯза малакаи хешро сайқал диҳанд.
ОМИЛҲОЕ, КИ МОНЕИ ТИҶОРАТИ БОБАРОР МЕГАРДАНД:
Надонистани роҳҳои идоракунии самаранок;
Рушди номукаммали малакаҳои роҳбарӣ;
Кори суст бо тобеон ва норасоии малакаи сарварӣ;
Идеологияи (мафкураи) нодуруст.
Хабарҳои дигар
Рӯзнома
Эзоҳи худро нависед