Бахшида Рӯзи байналмилалии ҷавонон ва “Соли ҷавонон” Раёсати кор бо ҷавонон ва варзиши вилояти Хатлон 12 августи соли ҷорӣ бо иштироки беш аз 400 нафар наврасону ҷавонони шаҳри Қӯрғонтеппа ҳамоиши ҷавононро таҳти унвони “Ҷовидон бод, ҷавонӣ” баргузор намуд. 

Муовини сардори Раёсати кор бо ҷавонон ва варзиши вилояти Хатлон Азиз Азимов ва мудири Бахши кор бо ҷавонон ва варзиши шаҳр Ҷамолиддин Исматуллозода ҷамъомадагонро ба муносибати Рӯзи байналмилалии ҷавонон ва “Соли ҷавонон” табрик намуданд. 

Дар ҳамоиш зикр гардид, ки “Соли ҷавонон” эълон гардидани соли 2017 нишонаи он аст, ки ҷавонон ва масъалаҳои алоқаманд ба ҷавонон дар меҳвари сиёсати Ҳукумати кишвар қарор дошта, ҷиҳати татбиқи сиёсати давлатии ҷавонон пайваста тадбирҳо андешида мешаванд.

Дар доираи чорабинӣ ҷавонони сарбаланди вилоят дар навбати хеш барои дастигиҳои ҳамешагии давлату Ҳукумати кишвар насибат ба насли ҷавон бо шиору овезаҳо миннатдории хешро ба Пешвои миллат иброз намуданд.

Умед МИРЗОЕВ, “ҶТ”