ҶАВОНОН
Ҷумъа 22 Октябр 2021 02:50
8222
6-уми август дар Донишгоҳи молия ва иқтисоди Тоҷикистон ҳамоиши ҷавонони мақомоти гумрук таҳти унвони “ Нақши ҷавонони мақомоти гумрук дар таъмини амнияти иқтисодӣ” бахшида ба 30- солагии Истиқлолияти давлатии Ҷумҳурии Тоҷикистон баргузор гардид.

Ҷамъомади мазкур аз ду қисмат: намоиш ва ҳамоиш иборат буда, бо пазироии меҳмонон аз Кумитаи кор бо ҷавонон ва варзиш ва намояндагони Хадамоти гумрук оғоз ёфт. Иштирокдорон зимни намоиш дар Донишкадаи такмили ихтисоси Хадамоти гумрук бо техникаву воситаҳои техникии назорати гумрукӣ ва тартиби истифодабарии онҳо дар рафти машғулиятҳои тахассусӣ ошно гардиданд.

Қисмати дуввуми ҳамоиш дар маҷлисгоҳи Донишгоҳи молия ва иқтисоди Тоҷикистон идома ёфт. Ҳамоиш бо хондани Сурудӣ миллӣ ба таври зинда аз ҷониби иштирокчиён оғоз гардид. Сипас, Турсунзода Азим Ҳайдар, муовини якуми сардори Хадамоти гумрук сухан кард. Номбурда ҳозиринро ба 30-юмин солгарди истиқлоли давлатӣ хайрамақдам гуфт.

Баъдан Назарзода Ризо, муовини якуми раиси КҶВ ва ҳамзамон муовини аввали раиси иттифоқи Ҷавонони Тоҷикистон, ки бевоситаи ташаббускори ҳамоиш буд, баромад намуда, аз рушду пешрафти Ҷумҳурии Тоҷикистон, алалхусус, мақомоти гумрук давоми 30 соли соҳибистиқлолӣ ва саҳми ин мақомот дар таъмини иқтисодиёти мамлакат ибрози назар кард.

Ҳамчунин, вобаста ба мавзӯъҳои гуногун аз ҷониби кормандони ҷавони мақомоти гумрук ва собиқадорони он, маърӯзаҳо пешкаши ҷамъомадагон гардид.

Ҳамин тариқ, қабл аз анҷомии ҳамоиш муроҷиатномаи ҷавонони мақомоти гумрук бахшида ба таҷлили Ҷашни 30 - солагии Истиқлолияти давлатии Ҷумҳурии Тоҷикистон ироа гардида, аз ҷониби намояндаи КҶВ ба ҷавонони фаъоли мақомоти гумрук сипосномаҳо супорида шуд. Ҳамоиш бо барномаи рангини фарҳангӣ хотима ёфт.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.