ҶАВОНОН
Панҷшанбе 30 Июн 2022 09:02
8762
18 май бо ташаббуси мақомоти иҷроияи ҳокимияти давлатии шаҳри Душанбе ва Раёсати кор бо ҷавонон ва варзиши шаҳри Душанбе дар якҷоягӣ бо Раёсати тандурустии шаҳр дар Донишгоҳи давлатии тиббии Тоҷикистон ба номи А. Сино таҳти унвони “Ҳифзи саломатии ҷомеа – мароми мо” ҳамоиши табибони ҷавон баргузор гардид.

Дар ҳамоиш Дилбар Одилзода, муовини раиси шаҳри Душанбе, Шарифзода Хушбахт, сардори Раёсати тандурустии шаҳри Душанбе, Шоҳзод Раҳимзода, сардори Раёсати кор бо ҷавонон ва варзиши шаҳри Душанбе, кормандони ҷавони соҳаи тандурустии шаҳр, донишҷуён ва ҷавонони фаъоли пойтахт ширкат варзиданд.   

Зимни баргузории ҳамоиш Одилзода Дилбар ширкаткунандагони ҳамоишро бахшида ба Рӯзи ҷавонон таҳният гуфта, иброз намуд, ки бо ибтикори Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташабусси раиси шаҳри Душанбе муҳтарам Рустами Эмомалӣ маблағгузории соҳаи тандурустӣ дар ҳафт соли охир се маротиба афзуда, таъмину таҷдид ва аз навсозии муассисаҳои тандурустиву солимгардонӣ ва муҷаҳҳаз гардонидани онҳо бо таҷҳизотҳои муосири табобатӣ ба маром идома дорад.

- Инчунин масъалаи ихтисоси кормандони соҳаи тандурустӣ дар маркази таваҷҷуҳи бевоситаи раиси шаҳр қарор дошта, ҳамасола озмунҳои соҳавӣ аз қабили “Беморхонаи сол”, “Муассисаи кумаки аввалияи тиббиву санитарии сол”, “Табиби сол”, “Табиби оилавии сол” ва “Корманди миёнаи тиббии сол” ташкил ва баргузор мегардад,-иброз дошт, муовини раиси шаҳр.

Шоҳзод Раҳимзода дар мавзӯи “Ҳифзи саломатии ҷомеа – мароми мо” маърӯзаи хешро пешниҳоди ҳозирин гардонида, чунин иброз намуд, ки ҳар тадбире имрӯз дар мамлакат амалӣ мегардад маҳз ба хотири ояндаи дурахшони насли ояндасози мамлакат аст. Ӯ дар давоми баромади худ аз табибон ҷиҳати нигаҳдошти саломатии аҳолӣ изҳори ташаккур карда, гуфт Раёсати кор бо ҷавонон ва варзиши шаҳри Душанбе омодааст, ки аз ҳисоби маблағҳои худ ҳамасола барои табибони ҷавон як озмун баргузор намояд:

- Чунин пешниҳод менамоям, ки дар доираи маблағҳои Раёсати кор бо ҷавонон ва варзиши шаҳри Душанбе ҳамасола озмуни “Табиби ҷавон” эълон карда шавад. Ва дар охири сол дар баробари дигар озмунҳои муҳим ҷамъбаст гардад,-иброз дошт, Ш. Раҳимзода.

Баъди хотима ёфтани маърӯзаҳо, сипоснома ва туҳфаҳои хотиравӣ аз ҷониби Раёсати кор бо ҷавонони ва варзиш ба кормандони соҳаи тиб тақдим карда шуд.

Сипас, аз ҷониби дастаи “Шифо”-и ДДТТ-и ба номи А.Сино барои ширакаткунандагони ҳамоиш барномаи фарҳангӣ-фароғатӣ пешкаш карда шуд.

Таҳмина ЮСУФОВА, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Июн 2022 c.