Таҳти унвони “Пешвои миллат - ғамхори ятимон” дар ҷамоати Маҳмадулло Абдуллоеви ноҳияи Ванҷ ҳамоиши ятимони кулл гузаронида шуд.

Дар ин бора муовини сардори Раёсати кор бо ҷавонон ва варзиши ВМКБ Сураҷ Чоршанбиев иттилоъ дода гуфт, ки чорабинӣ бо иқдоми мақомоти иҷроияи маҳаллии ҳокимияти давлативӣ ва Бахши кор бо ҷавонон ва варзиши ноҳия дар толори мақомот гузаронида шуд.

Давлатбибӣ Раҷабова, раиси ноҳия ба ятимон мукофотпулӣ ва тӯҳфаҳои хотиравӣ супорида, қайд намуд, ки ин табақаи аҳолии кишвар набояд даме худро танҳо эҳсос кунанд, зеро онҳо ҳамвора таҳти сарпарастии Ҳукумати мамлакат хусусан Пешвои миллат, муҳтарам Эмомалӣ Раҳмон қарор доранд.