ҶАВОНОН
Душанбе 17 Феврал 2020 11:03
6862
12-уми феврал дар Донишгоҳи миллии Тоҷикистон Анҷумани XIII Иттифоқи ҷавонони Тоҷикистон (ИҶТ) бо иштироки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовинони раиси кумита, сардорони раёсатҳои кор бо ҷавонон ва варзиши вилоятҳо ва мудирони бахшҳои кор бо ҷавонон ва варзиши шаҳру ноҳияҳои кишвар баргузор гардид.

Анҷуман бо хондани Суруди миллӣ ба таври зинда аз ҷониби иштирокчиён оғоз гардида, сипас таклиф шуд, ки ҳайати роҳбарикунандаи анҷуман иборат аз 11 нафар дар ҳайати зерин интихоб шавад: Раҳмонзода Абдулло – раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Назарзода Ризо – вакил аз шаҳри Душанбе, Аҳмадзода Дилноза – вакил аз шаҳри Душанбе, Раҳимзода Умед – вакил аз шаҳри Душанбе, Раҳимзода Шоҳзод – вакил аз шаҳри Душанбе, Мирзозода Иброҳим – вакил аз шаҳри Душанбе, Сураҷ Чоршанбиев – вакил аз ВМКБ, Дилафрӯзи Абдулло – вакил аз вилояти Хатлон, Фариза Абдуллоева – вакил аз вилояти Хатлон, Каримзода Мирзоқосим – вакил аз вилояти Суғд ва Салимзода Каримҷон –вакил аз минтақаи Рашт.

Ҳамчунин дар ҷаласа мутобиқи қарори раёсати ИҶТ ба рӯзномаи ҷаласаи навбатии иттифоқ масъалаҳои “Ҳисоботи муовини озоди раиси Иттифоқи ҷавонони Тоҷикистон оиди фаъолияти 3-солаи Иттифоқи ҷавонони Тоҷикистон”, “Баррасии аризаҳои иттифоқ, муовинон ва муовини озоди раиси Иттифоқи ҷавонони Тоҷикистон”, “Интихоби раиси Иттифоқи ҷавонони Тоҷикистон”, “Интихоби ҳайати нави раёсати Иттифоқи ҷавонони Тоҷикистон”, “Баромади вакилони анҷуман аз ВМКБ, вилоятҳои Хатлон, Суғд ва шаҳри Душанбе”, “Қабули муроҷиатномаи иштирокчиёни Анҷумани XIII Иттифоқи ҷавонони Тоҷикистон” ва “Тасдиқи стратегия ва механизми нави фаъолияти ИҶТ барои соли 2020” пешниҳод гардиданд.

Баъдан муовини озоди раиси ИҶТ Раҳимзода Умед оиди фаъолияти 3-солаи ИҶТ баромад карда, иброз дошт: “Тайи солҳои сипаришуда, ИҶТ бо мақсади ташаккули фарҳанги сиёсӣ ва маърифати ҳуқуқии ҷавонон силсилаи корҳои таблиғотиро ба роҳ монда, дар як қатор муассисаҳои таълимӣ ва марказҳои шаҳру ноҳияҳо, вилоятҳо семинару машваратҳо бо иштироки олимон ва коршиносони соҳаи сиёсат гузаронида шуданд. Дар давраи ҳисоботӣ аз ҷониби ИҶТ ва филиалҳои он дар вилоятҳо ва шаҳру ноҳияҳо 60 барнома ва лоиҳаҳои гуногунро дар мавзӯъҳои фаъолнокии сиёсии ҷавонон, фаро гирифтани зан-модар ба илму дониш, семинарҳои омӯзишӣ барои ҷавонони майли соҳибкорӣ дошта, тарзи ҳаёти солим, ҷалби ҷавондухтарони деҳот ба таҳсил, ҳамзамон маҳфили “Пайравони Пешвои миллат”, ташкили курсҳои забономӯзӣ, чорабиниҳои ҷумҳуриявии илмӣ-адабӣ ва амсоли инҳоро таҳти шиори “Ҷавонон - пайрави Пешвои миллат” баргузор намудааст. Дар чорабиниҳои зикргардида, 63 ҳазор ҷавонон дар сатҳи ҷумҳурӣ фаро гирифта шуданд”.

Сипас, иштирокчиёни анҷуман ба баррасии масъалаи дуюми рӯзнома гузашта, аризаи озод намудан аз вазифаи раиси ИҶТ Аҳтам Абдуллозода, муовинони раиси ИҶТ Муинӣ Мавсуна ва Амирбекзода Ҳабибуллоро бинобар сабаби ба кори дигар гузаштан ва бисёр будани сарбории корашон мавриди баррасӣ қарор дода, бо назардошти ин нафарони зикргардида, аз вазифаи ишғолкардаашон озод карда шуданд.

Баъдан тибқи банди 5.2 Оинномаи ИҶТ ба вазифаи раиси ИҶТ, Раҳмонзода Абдулло Қурбоналӣ таъин гардид. Инчунин мутобиқи банди 5.5.2 Оиннома ба вазифаи муовини якум, муовин ва муовини озоди раиси ИҶТ шахсони зерин интихоб гардиданд: Назарзода Ризо - муовини якум, Аҳмадзода Дилноза - муовин, Мирзозода Иброҳим - муовин, Дилафрўзи Абдулло - муовин ва Раҳимзода Умед - муовини озод.

Дар идома Раҳмонзода Абдулло баромад намуда, зикр кард, ки бояд ҳар нафар аъзои ИҶТ масъулияти бар дӯш доштаи худро пурра иҷро намояду бо фаъолияти назарраси худ саҳми хешро дар рушду нумуи кишвар гузорад.

Анҷуман бо қироати муроҷиатномаи вакилон ба Пешвои миллат муҳтарам Эмомалӣ Раҳмон ва хондани Суруди миллӣ анҷом ёфт.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.