ҶАВОНОН
Чоршанбе 24 Апрел 2024 11:41
Ё қиссае дар бораи як сарбози ғӯрамарг
Бахтовар Азимов аз зумраи он ҷавонони бонангу номуси кишвар буд, ки моҳи апрели соли ҷорӣ ихтиёран хоҳиши дар сафҳои Қувваҳои Мусаллаҳи Ватан хизмат карданро карду ба комиссариати ҳарбӣ бо ариза ҳозир шуд. Аризаашро дар ин ҷо қабул ва ӯро барои хизмат дар ҳайати Қӯшунҳои сарҳадӣ лоиқ донистанд. То он рӯзи шум, он рӯзе, ки аҷал ноаён аз гиребонаш дошт, аз хизматаш дар қисми ҳарбии 0307 қариб 4 моҳ гузашта буд…
4-уми августи соли 2017. Он рӯз ҳаво ниҳоят гарм буд. Дар соатҳои 8-9 аллакай кӯдакони деҳаи Сомониёни ноҳияи Ҳамадонӣ дар сояи чинорҳои лаби канали калону пуробе, ки аз назди деҳаи мазкур мегузарад, ҷамъ шуда, худро аз нурҳои сӯзони офтоб муҳофизат мекарданд. Дар он тарафи канал заминҳои кишоварзону хоҷагидорон ва ҷои подачари сокинони деҳа ҷойгиранд. Ана дар ҳамин ҷо, дар болои канали мазкур пули мошингузар сохта шудааст ва дар он тарафи пул дидбонгоҳи қисми ҳарбӣ ҷойгир аст. Он рӯз дар дидбонгоҳи мазкур вазифаи дидбонӣ ба зиммаи аскарони қаторӣ Бахтовар Азимов ва Ҳаитбой Ҷалилов гузошта шуда буд. Бахтовару Ҳаитбой ба даводаву бозикунии кӯдакони он тарафи канал, ки аз онҳо ҳамагӣ дар масофаи тахминан 20 -25 метр дур буданд, бо ҳавас нигариста, ҳар кадом шояд давраи кӯдакии худро дар зодгоҳаш ба ёд меовард. Як лаҳза ҳар ду ғарқи хаёлҳои ширин шуда, ба лаби канал омадани Меҳрубони 11-соларо нодида монданд.
- Бобо, бобо! – имдодталабона фарёд баровардани Меҳрубон сарбозонро ба ҳуд овард ва онҳо болои пул омаданд. Бахтовар дид, ки маҷрои об ӯро аз таги пул гузаронд. Фурсати фикр кардан надошт. Автомат ва тирдонҳоро ба замин гузошту худро ба об партофт. Ба писарбачаи ғарқшудаистода расида, ӯро ба соҳил тела доду худаш байни оби дарё монд. Оби ниҳоят сарди дарёи Панҷ ва либосҳои тару хеле вазнингашта нагузоштанд, ки Бахтовар ба соҳил наздик шавад. Кӯшишҳои ҳамтояш Ҳаитбой, ки мехост Бахтоварро аз ғарқшавӣ наҷот диҳад, натиҷа надоданд. Нафарони аз ҳодиса огоҳёфта ва ба имдодомада низ коре карда натавонистанд. Маҷрои об аллакай ӯро нопадид, аниқтараш таги қум карда буд...
Хабари ҳодисаи писарбачаи 11-соларо аз ғарқшавӣ наҷот додани сарбози дидбонгоҳи №8-и қисми ҳарбии 0307 ва дар оби канал ғарқ шудани худаш ба раиси ноҳия мерасад. Раиси ноҳия ба раиси вилоят ва мақомотҳои дахлдори ҷумҳурӣ дар ин бора хабар дода, дархости таъҷилан аз сарбанд бастани пеши оби канали мазкурро мекунанд. Барои фурсатро аз даст надодан бо супориши раиси ноҳия Ситод оид ба дарёфти ҷасади сарбоз таъсис дода, ба кофтуков шуруъ карданд.
Мардуми деҳа, мақомотҳои дахлдори ноҳиявӣ ба ҷустуҷӯи ҷасади сарбоз пардохтанд. Баъди се маротиба бодиққат аз назар гузаронидани масофаи эҳтимолии зери қум мондани сарбоз соатҳои 16 ҷасади беҷони ӯ аз зери қум ёфт шуд…
... Вале рафтори ҷасурона, қаҳрамонии сарбози қаторӣ Бахтовар Азимов боиси таҳсину офарин буд. Ба шарафаш қаровули фахрӣ ороста шуда, зери навои аркестри ҳарбӣ тобути ӯ ба зодгоҳаш шаҳри Кӯлоб бурда, ба хок супурда шуд.
Оре, сарбози марҳум Бахтовар Азимов бо ҷасораташ савганди дар назди халқу Ватан хӯрдаашро нашикаст ва боиси ифтихори падару модар ва роҳбарияти қисми харбии худ ва ҳамхизматонаш гашт…
Бобои Рамазон Назарови 90-сола он рӯзро чунин ба ёд меорад: “Ман қариб ҳар рӯз назди аскарбачаҳои ҳамин дидбонгоҳ меравам (хонаи бобои Рамазон дар назди ҳамин дидбонгоҳ аст), аз аҳволашон пурсон мешавам, бо онҳо шӯхию чақ-ҷақ мекунем. Ҳамон рӯз низ соатҳои 8-9 таги чинорҳо рафтаму бо ду сарбозе, ки дар дидбонгоҳ буданд, суҳбат карда аз онҳо бо шӯхӣ дархост кардам, ки барои ман ягон шими сарбозӣ ёфта биёранд. Хеле чақ-чақ кардему хона омадам. Як замон набераам ҳаросон ба ҳавлӣ даромада гуфт, ки дар канал афтидаасту сарбоз ӯро аз об баровардааст. Базӯр поямро кашида рафтам, аммо дер карда будам… Ҳазор раҳмат ба чунин падару модаре, ки ин гуна фарзанд тарбия кардаанд. Ман ғусса мехӯрам ва дар таассуфам, ки наметавонам ин сарбозро ба оғуш гираму дасту рӯяшро бибӯсам, ки набераамро наҷот дод. Танҳо имкон дорам шабу рӯз дуо кунам, ки манзили охираташ обод бошаду Худо раҳматашро аз ӯ дар дунёи абадӣ дареғ надорад”.
Сарбози қаторӣ Бахтовар худро қурбон кард, то дигаре наҷот ёбад. На ҳар кас ба ин қодир аст! Каҳрамонҳо таваллуд намешаванд, онҳо ба воя мерасанд. Онҳо маҳсули тарбияи дида, сабақи гирифта, рафтору амали неки волидайн ва некмардонанд. “Чунинҳо лоиқи ифтихор, ситоиш, эҳтиром ва ҳар мукофотанд, – мегӯяд раиси ноҳия А. Вализода. - Дар бораи рафтори часурона ва ҷавонмардонаи ин сарбоз ба воситаи рӯзномаҳо, садову симо ҳар чизи пурарзише навиштану шунавонидан меарзад”.
Оре, ҳақ ба ҷониби раиси ноҳия аст. Мо кӯшиш кардем, то ҷое ба воситаи ин матлаб ҷавононро аз рафтори қаҳрамононаи ҳамсолашон огоҳ бисозем ва рӯҳи Бахтоварро шод бигардонем, ба волидайнаш тасалло диҳем.
Т. ИБРОҲИМОВ, ноҳияи Ҳамадонӣ
Бахтовар Азимов аз зумраи он ҷавонони бонангу номуси кишвар буд, ки моҳи апрели соли ҷорӣ ихтиёран хоҳиши дар сафҳои Қувваҳои Мусаллаҳи Ватан хизмат карданро карду ба комиссариати ҳарбӣ бо ариза ҳозир шуд. Аризаашро дар ин ҷо қабул ва ӯро барои хизмат дар ҳайати Қӯшунҳои сарҳадӣ лоиқ донистанд. То он рӯзи шум, он рӯзе, ки аҷал ноаён аз гиребонаш дошт, аз хизматаш дар қисми ҳарбии 0307 қариб 4 моҳ гузашта буд…
4-уми августи соли 2017. Он рӯз ҳаво ниҳоят гарм буд. Дар соатҳои 8-9 аллакай кӯдакони деҳаи Сомониёни ноҳияи Ҳамадонӣ дар сояи чинорҳои лаби канали калону пуробе, ки аз назди деҳаи мазкур мегузарад, ҷамъ шуда, худро аз нурҳои сӯзони офтоб муҳофизат мекарданд. Дар он тарафи канал заминҳои кишоварзону хоҷагидорон ва ҷои подачари сокинони деҳа ҷойгиранд. Ана дар ҳамин ҷо, дар болои канали мазкур пули мошингузар сохта шудааст ва дар он тарафи пул дидбонгоҳи қисми ҳарбӣ ҷойгир аст. Он рӯз дар дидбонгоҳи мазкур вазифаи дидбонӣ ба зиммаи аскарони қаторӣ Бахтовар Азимов ва Ҳаитбой Ҷалилов гузошта шуда буд. Бахтовару Ҳаитбой ба даводаву бозикунии кӯдакони он тарафи канал, ки аз онҳо ҳамагӣ дар масофаи тахминан 20 -25 метр дур буданд, бо ҳавас нигариста, ҳар кадом шояд давраи кӯдакии худро дар зодгоҳаш ба ёд меовард. Як лаҳза ҳар ду ғарқи хаёлҳои ширин шуда, ба лаби канал омадани Меҳрубони 11-соларо нодида монданд.
- Бобо, бобо! – имдодталабона фарёд баровардани Меҳрубон сарбозонро ба ҳуд овард ва онҳо болои пул омаданд. Бахтовар дид, ки маҷрои об ӯро аз таги пул гузаронд. Фурсати фикр кардан надошт. Автомат ва тирдонҳоро ба замин гузошту худро ба об партофт. Ба писарбачаи ғарқшудаистода расида, ӯро ба соҳил тела доду худаш байни оби дарё монд. Оби ниҳоят сарди дарёи Панҷ ва либосҳои тару хеле вазнингашта нагузоштанд, ки Бахтовар ба соҳил наздик шавад. Кӯшишҳои ҳамтояш Ҳаитбой, ки мехост Бахтоварро аз ғарқшавӣ наҷот диҳад, натиҷа надоданд. Нафарони аз ҳодиса огоҳёфта ва ба имдодомада низ коре карда натавонистанд. Маҷрои об аллакай ӯро нопадид, аниқтараш таги қум карда буд...
Хабари ҳодисаи писарбачаи 11-соларо аз ғарқшавӣ наҷот додани сарбози дидбонгоҳи №8-и қисми ҳарбии 0307 ва дар оби канал ғарқ шудани худаш ба раиси ноҳия мерасад. Раиси ноҳия ба раиси вилоят ва мақомотҳои дахлдори ҷумҳурӣ дар ин бора хабар дода, дархости таъҷилан аз сарбанд бастани пеши оби канали мазкурро мекунанд. Барои фурсатро аз даст надодан бо супориши раиси ноҳия Ситод оид ба дарёфти ҷасади сарбоз таъсис дода, ба кофтуков шуруъ карданд.
Мардуми деҳа, мақомотҳои дахлдори ноҳиявӣ ба ҷустуҷӯи ҷасади сарбоз пардохтанд. Баъди се маротиба бодиққат аз назар гузаронидани масофаи эҳтимолии зери қум мондани сарбоз соатҳои 16 ҷасади беҷони ӯ аз зери қум ёфт шуд…
... Вале рафтори ҷасурона, қаҳрамонии сарбози қаторӣ Бахтовар Азимов боиси таҳсину офарин буд. Ба шарафаш қаровули фахрӣ ороста шуда, зери навои аркестри ҳарбӣ тобути ӯ ба зодгоҳаш шаҳри Кӯлоб бурда, ба хок супурда шуд.
Оре, сарбози марҳум Бахтовар Азимов бо ҷасораташ савганди дар назди халқу Ватан хӯрдаашро нашикаст ва боиси ифтихори падару модар ва роҳбарияти қисми харбии худ ва ҳамхизматонаш гашт…
Бобои Рамазон Назарови 90-сола он рӯзро чунин ба ёд меорад: “Ман қариб ҳар рӯз назди аскарбачаҳои ҳамин дидбонгоҳ меравам (хонаи бобои Рамазон дар назди ҳамин дидбонгоҳ аст), аз аҳволашон пурсон мешавам, бо онҳо шӯхию чақ-ҷақ мекунем. Ҳамон рӯз низ соатҳои 8-9 таги чинорҳо рафтаму бо ду сарбозе, ки дар дидбонгоҳ буданд, суҳбат карда аз онҳо бо шӯхӣ дархост кардам, ки барои ман ягон шими сарбозӣ ёфта биёранд. Хеле чақ-чақ кардему хона омадам. Як замон набераам ҳаросон ба ҳавлӣ даромада гуфт, ки дар канал афтидаасту сарбоз ӯро аз об баровардааст. Базӯр поямро кашида рафтам, аммо дер карда будам… Ҳазор раҳмат ба чунин падару модаре, ки ин гуна фарзанд тарбия кардаанд. Ман ғусса мехӯрам ва дар таассуфам, ки наметавонам ин сарбозро ба оғуш гираму дасту рӯяшро бибӯсам, ки набераамро наҷот дод. Танҳо имкон дорам шабу рӯз дуо кунам, ки манзили охираташ обод бошаду Худо раҳматашро аз ӯ дар дунёи абадӣ дареғ надорад”.
Сарбози қаторӣ Бахтовар худро қурбон кард, то дигаре наҷот ёбад. На ҳар кас ба ин қодир аст! Каҳрамонҳо таваллуд намешаванд, онҳо ба воя мерасанд. Онҳо маҳсули тарбияи дида, сабақи гирифта, рафтору амали неки волидайн ва некмардонанд. “Чунинҳо лоиқи ифтихор, ситоиш, эҳтиром ва ҳар мукофотанд, – мегӯяд раиси ноҳия А. Вализода. - Дар бораи рафтори часурона ва ҷавонмардонаи ин сарбоз ба воситаи рӯзномаҳо, садову симо ҳар чизи пурарзише навиштану шунавонидан меарзад”.
Оре, ҳақ ба ҷониби раиси ноҳия аст. Мо кӯшиш кардем, то ҷое ба воситаи ин матлаб ҷавононро аз рафтори қаҳрамононаи ҳамсолашон огоҳ бисозем ва рӯҳи Бахтоварро шод бигардонем, ба волидайнаш тасалло диҳем.
Т. ИБРОҲИМОВ, ноҳияи Ҳамадонӣ
Хабарҳои дигар
Рӯзнома
Эзоҳи худро нависед