22 феврал дар Донишкадаи олии сарҳадии Кумитаи давлатии амнияти миллии Ҷумҳурии Тоҷикистон намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба 31- солагии таъсисёбии Қувваҳои Мусаллаҳи Ҷумҳурии Тоҷикистон бо ҳайати шахсӣ ва афсарону сарбозон вохӯрӣ намуданд.

Дар ин чорабинӣ Сураҷ Чоршанбезода, муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Абдулло Раҳнамо, сиёсатшинос, узви Иттифоқи нависандагони Тоҷикистон иштирок намуда, дар доираи мавзӯи "Артиши миллӣ - кафили таъмини амнияти давлат ва ҷомеа" табодули афкор намуданд.

Зимни чорабинӣ ба хизмати содиқонаву софдилонаи хизматчиёни ҳарбӣ, аз ҷумла ҷавонони бонангу номуси Ватан изҳори сипос карда шуда, барои сарбаландона дар доираи уҳдадориҳои хизматӣ адои хизмати Ватан - модар намуданашон, ба родмардони Ватан барору комгорӣ таманно намуданд.