ҶАВОНОН
Якшанбе 08 Сентябр 2024 04:52
![3460](/upload/iblock/c58/10.jpg)
Боиси хушҳолист, ки имрӯз ҷавонон ҳамчун қишри фаъоли ҷомеа дар пешрафту шукуфоии ин меҳан саҳми арзанда гузошта истодаанд. Ин худ аз он дарак медиҳад, ки насли ҷавони имрӯза бо руҳияи хуби созанда ва бо назари нек ба оянда менигаранду ҳар яке дар соҳаи худ паи талош аст.
Фаридун Назаров яке аз чунин ҷавонҳост. Ӯ дар баробари аспирант буданаш ба навоварӣ низ машғул аст. Ҳамин гуна талошаш буд, ки дар самти ихтироъкорӣ ба натиҷаи дилхоҳ расид. Ихтирои ин ҷавони муваффақ “Тарзи ба даст овардани кислотаи борат” мебошад.
Фаридун Назаров соли 1992 дар деҳаи Кадучии ноҳияи Восеъ таваллуд шудааст. Соли 2009 пас аз хатми мактаби миёна ба факултети химияи Донишгоҳи миллии Тоҷикистон дохил шуда, соли 2014 онро бо дипломи аъло, ҳамчун кимиёгар-омӯзгор хатм намудааст. Ӯ худи ҳамон сол ба шуъбаи ғоибонаи аспирантураи Институти химияи АИ ҶТ дохил шуда, айни ҳол дар курси сеюми аспирантура таҳсилашро идома дода истодааст.
Зимни шарҳи ихтирои худ гуфт: “Дар солҳои охир истеҳсоли бор ва пайвастаҳои он бо дарназардошти истифодаи он дар соҳаи ядроӣ, истеҳсоли сӯзишвории мушакӣ, хулаҳои махсусан сахт ва ба гармӣ тобовар, пулодҳои босифат, бензинҳои бордор, маҳсулоти полимерии ба ҳарорат тобовар, истеҳсоли шишаҳои душворгудоз, дар тиб ҳамчун маводи безараргардонанда ва истифодаи он ба сифати катализатор хеле васеъ гаштааст. Барои истеҳсоли пайвастаҳои бор одатан маъданҳои галогении бор, ашёи хоми датолитӣ, турмалинӣ, данбуритӣ ва обҳои бордор истифода мешавад”.
Тавре Фаридун дар идомаи суҳбат афзуд, вобаста ба хусусияти маъданҳои бордошта ва миқдори бор дар таркиби он усулҳои коркарди маъдан аз якдигар куллан фарқ мекунанд: “Азбаски дар таркиби данбурити табиии ватанӣ миқдори ками бор мавҷуд аст, бинобар он мо данбурити ғанигардонидашударо бо усули кислотагӣ зери тадқиқ қарор додем. Барои ба даст овардани кислотаи борат аз таркиби данбурит мо кислотаи сиркоро истифода бурдем, ки аз ҷиҳати иқтисодӣ хело арзон ва дастрас мебошад. Барои ин аввал маъданро дар ҳарорати 950 0 С сӯзонида ва онро то ҳадди заррачаҳои 0,1мм майда намуда, сипас бо тезоби сирко дар ҳарорати 80–900С муддати як соат коркард намудем. Баъдан маҳсули бадастовардаро филтр намуда, дар филтрат миқдори компонентҳои лозимаро бо усулҳои маъмули химиявӣ муайян намудем. Вобаста ба тадқиқотҳои гузаронидашуда, нақшаи технологии ҷудокунии борро аз таркиби данурит дар шакли кислотаи борат тартиб додем. Кислотаи борати ба даст овардашуда ҳамчун маҳсулоти аввалин барои истеҳсоли дигар пайвастагиҳои он васеъ истифода мешавад”.
Фаридун ҳамчун ҷавони фаъол мехоҳад дар оянда низ баҳри рушди риштаи дӯстдоштааш талош варзад. Зеро ӯ ҷавониро замони амалигардонии мақсадҳояш меҳисобад. Мо дар ин роҳи пурифтихор барояш муваффақият хоҳонем.
Беҳрӯз ХОЛМУРОДОВ, “ҶТ”
Фаридун Назаров яке аз чунин ҷавонҳост. Ӯ дар баробари аспирант буданаш ба навоварӣ низ машғул аст. Ҳамин гуна талошаш буд, ки дар самти ихтироъкорӣ ба натиҷаи дилхоҳ расид. Ихтирои ин ҷавони муваффақ “Тарзи ба даст овардани кислотаи борат” мебошад.
Фаридун Назаров соли 1992 дар деҳаи Кадучии ноҳияи Восеъ таваллуд шудааст. Соли 2009 пас аз хатми мактаби миёна ба факултети химияи Донишгоҳи миллии Тоҷикистон дохил шуда, соли 2014 онро бо дипломи аъло, ҳамчун кимиёгар-омӯзгор хатм намудааст. Ӯ худи ҳамон сол ба шуъбаи ғоибонаи аспирантураи Институти химияи АИ ҶТ дохил шуда, айни ҳол дар курси сеюми аспирантура таҳсилашро идома дода истодааст.
Зимни шарҳи ихтирои худ гуфт: “Дар солҳои охир истеҳсоли бор ва пайвастаҳои он бо дарназардошти истифодаи он дар соҳаи ядроӣ, истеҳсоли сӯзишвории мушакӣ, хулаҳои махсусан сахт ва ба гармӣ тобовар, пулодҳои босифат, бензинҳои бордор, маҳсулоти полимерии ба ҳарорат тобовар, истеҳсоли шишаҳои душворгудоз, дар тиб ҳамчун маводи безараргардонанда ва истифодаи он ба сифати катализатор хеле васеъ гаштааст. Барои истеҳсоли пайвастаҳои бор одатан маъданҳои галогении бор, ашёи хоми датолитӣ, турмалинӣ, данбуритӣ ва обҳои бордор истифода мешавад”.
Тавре Фаридун дар идомаи суҳбат афзуд, вобаста ба хусусияти маъданҳои бордошта ва миқдори бор дар таркиби он усулҳои коркарди маъдан аз якдигар куллан фарқ мекунанд: “Азбаски дар таркиби данбурити табиии ватанӣ миқдори ками бор мавҷуд аст, бинобар он мо данбурити ғанигардонидашударо бо усули кислотагӣ зери тадқиқ қарор додем. Барои ба даст овардани кислотаи борат аз таркиби данбурит мо кислотаи сиркоро истифода бурдем, ки аз ҷиҳати иқтисодӣ хело арзон ва дастрас мебошад. Барои ин аввал маъданро дар ҳарорати 950 0 С сӯзонида ва онро то ҳадди заррачаҳои 0,1мм майда намуда, сипас бо тезоби сирко дар ҳарорати 80–900С муддати як соат коркард намудем. Баъдан маҳсули бадастовардаро филтр намуда, дар филтрат миқдори компонентҳои лозимаро бо усулҳои маъмули химиявӣ муайян намудем. Вобаста ба тадқиқотҳои гузаронидашуда, нақшаи технологии ҷудокунии борро аз таркиби данурит дар шакли кислотаи борат тартиб додем. Кислотаи борати ба даст овардашуда ҳамчун маҳсулоти аввалин барои истеҳсоли дигар пайвастагиҳои он васеъ истифода мешавад”.
Фаридун ҳамчун ҷавони фаъол мехоҳад дар оянда низ баҳри рушди риштаи дӯстдоштааш талош варзад. Зеро ӯ ҷавониро замони амалигардонии мақсадҳояш меҳисобад. Мо дар ин роҳи пурифтихор барояш муваффақият хоҳонем.
Беҳрӯз ХОЛМУРОДОВ, “ҶТ”
Эзоҳи худро нависед