ҶАВОНОН
Якшанбе 07 Декабр 2025 08:13
Бо ин ҷавони соҳибистеъдод бори аввал соли 2024 ҳини рӯнамоии лоиҳаи ҷадидаш дар Донишгоҳи давлатии Хоруғ ошноӣ пайдо кардам. Ӯ 23 феврали соли 2003 дар деҳаи Тишори ноҳияи Шуғнони Вилояти Мухтори Кӯҳистони Бадахшон ба дунё омадааст.
Яке аз чеҳраҳои намоёни соҳаи технологияҳои иттилоотӣ (IT) дар Тоҷикистон маҳсуб мешавад. Аз синни хурдсолӣ ба технология таваҷҷуҳ дош-та, то ба имрӯз бо ташаббусҳои худ дар самти рақамисозӣ, дар ҷумҳурӣ ва хориҷ аз он муваффақиятҳои назаррас ба даст овардааст.
Муяссар Муносибшоев таҳсилоти худро аз мактабҳои гуногуни вилоят оғоз намуда, дар ниҳоят Муассисаи давлатии “Мактаби Президентӣ барои хонандагони болаёқат дар Хоруғ”- ро хатм кардааст.
Ҳанӯз аз синфи 8, ӯ дар олимпиадаҳои гуногуни иттилоотӣ иштирок намуда, ҳамеша ҷойҳои намоёнро дар сатҳи вилоят ва ҷумҳурӣ ба даст овардааст. Баъдан ба Донишгоҳи давлатии Хоруғ дохил шуда, соҳаи информатикаро интихоб менамояд. Ғолиби ҷойи сеюм дар олимпиадаи ҷумҳуриявӣ оид ба барномасозии варзишӣ мебошад.
Дар лоиҳаҳои веб-платформаҳо ҳамчун таҳиягари backend (Go) ва муҳандиси DevOps (Docker, Linux) фаъолона ҳиссаи худро гузошта истодааст.
Ин ҷавони соҳибистеъдод ҳоло дар Муассисаи таҳсилоти ҳамагонии №14 – и ноҳияи Шуғнон ба ҳайси омӯзгори фанни информатика дарс дода, дар як вақт дар бахши магистратураи Донишгоҳи давлатии шаҳри Хоруғ ба номи М.Назаршоев таҳсил менамояд. Дар зимн бо ӯ ҳамсуҳбат гардидем.
Чаро маҳз касбӣ барномасозиро интихоб кардед? Ин тасмими Шумо буд, ё хоҳиши волидон?
- Ҳанӯз аз синни ҳафтсолагӣ ба технология шавқи зиёд доштам. Вақте волидонам компютер харида, ба хона оварданд, дарҳол он мароқ зоҳир намудам. Аввал тавассути бозиҳо технологияро меомӯхтам. Ин таваҷҷуҳ тадриҷан ба касби ман табдил ёфт. Ва он ба ман имкон дод, ки ҳамеша чизи нав омӯзам, бо тамоюлҳои ҷаҳони модерн ҳамқадам бошам ва аз ҳама муҳимаш, тавонистам ҳадафи гузоштаамро амалӣ кунаму бо кори дӯстдоштаам машғул шавам.
- Фаъолиятатон ҳоло дар кадом самтҳо ҷараён дорад ва дар ин ҷода кадом муваффақиятро ба даст овардаед?
- Соли 2021 бо ҳамроҳии устодонам ширкати "Матритса" (MATRIX IT)-ро таъсис додам, ҳоло ҳамчун директор ва асосгузори он фаъолият мекунам. Кори ширкат асосан таҳияи веб платформаҳо ва машваратдиҳӣ дар соҳаи IT мебошад.
Лоиҳаҳои мо, аз ҷумла системаҳои веб барои ширкатҳои гуногун ва хидматрасонии IT-аутсорсинг, манбаи асосии даромади ширкатамон ҳастанд.
Мақсади дигари ин ширкат рушди технология дар Бадахшон ва мусоидат ба рақамисозии кишвар аст. Бо МИҲД – и ВМКБ, Раёсати андоз, Ширкати мобилии TCELL, EBRD, ҶДММ “Надим” ва дигар ташкилотҳо ҳамкорӣ карда, лоиҳаҳоро тарҳрезӣ ва барои амалисозӣ пешниҳод менамоем.
Дар доираи фаъолияти худ, ҳамчунин ба рақамисозии минтақа низ диққати махсус медиҳем. Аз ҷумла, дар ҳамкорӣ бо Мақомоти иҷроияи ҳокимияти давлатии ВМКБ ва дигар ташкилотҳои давлатӣ, инчунин бо тиҷоратҳои маҳаллӣ дар амалисозии иқдомоти мухталифи иҷтимоӣ ва рақамӣ саҳми худро гузошта истодаем.
- Дар бораи як лоиҳае, ки шумо дар соҳаи тиб амалӣ карда истодаед, маълумот медодед?
- Лоиҳаи мо "Корти электронии тиббӣ" ном дорад. Ин як платформаи рақамӣ аст, ки беморон, табибон ва маъмурияти беморхонаро ба ҳам мепайвандад. Он ба беморон имкон медиҳад, ки маълумоти тиббии худро дар як ҷо нигоҳ доранд, бо табибон муошират кунанд ва барои қабули таъиншудаи навбатӣ сабти ном шаванд.
Барои табибон, ин барнома имкон медиҳад, ки таърихи беморонро бубинанд ва дорухатҳоро ба таври электронӣ нависанд. Мақсади асосии он бошад, баланд бардоштани самаранокии хизматрасониҳои тиббӣ ва осон кардани дастрасӣ ба онҳо, махсусан дар минтақаҳои дурдаст аст.
Мо кӯшиш мекунем, ки лоиҳаи мазкурро ҳарчи зудтар омода ва ба муштариён пешниҳод намоем.
- Дар соҳаи технология ва умуман дар зиндагӣ бештар ба кӣ ва ё чӣ таваҷҷуҳ доред?
- Ман бештар ба соҳибкорони бузурги соҳаи технология, ба монанди Илон Маск ва Стив Ҷобс таваҷҷуҳ дорам. Роҳи тайнамудаи онҳоро баъд аз таъсиси ширкати худ бодиққат меомӯзам, чунки онҳо дар соҳаи технология аз барномасозон ва соҳибкорони намунавӣ мебошанд.
Ба як сатҳи баланд расидан, одамон чӣ гуна талош менамоянд, азобу машаққат мекашанд ва касе соҳиби иродаи қавъӣ бошад, ҳатман дар ниҳояти кор муваффақ мешавад.
- Чиро дар зиндагӣ бисёртар дӯст медоред?
- Ҳамарӯза чизи наверо омӯзам ва маҳорати худро такмил диҳам. Инчунин, нақшаҳои худро амалӣ созам ва ба кори нописанд машғул нашавам. Бовар дорам, ки муҳимтарин мубориза, мубориза бо худи инсон аст ва барои ба даст овардани муваффақият, набояд аз омӯхтани чизҳои нав ва пайравӣ аз тамоюлҳои ҷаҳонӣ дар технология тарсид.
- То ба имрӯз кадом муваф-фақиятҳоро дар соҳаи технология ба даст овардаед?
- Ифтихорманд аз онам, ки тавассути барномасозӣ дар чандин озмунҳои бонуфузи миллӣ ва байналмилалӣ ширкат варзида, сазовори ҷойҳои намоён гардидам.
Аз ҷумла, соли 2022 ғолиби Digital Future Cup ҳамроҳ бо дастаи донишҷӯёни Донишгоҳи давлатии Хоруғ, дар байни 8 донишгоҳи беҳтарини Тоҷикистон, бо лоиҳаи "Корти электронии тиббӣ" гардидам. Лоиҳаи мазкур соли 2023 дар озмуни ҷаҳонии Google Solution Challenge дар байни 1500 даста аз донишгоҳҳои саросари ҷаҳон ба 100 лоиҳаи беҳтарин дохил шуд. Дар баробари ин, бо таҳияи лоиҳае, ки ба нақши технология дар баланд бардоштани амнияти ҷамъиятӣ нигаронида шудааст, дар озмуни Tech2 Protect 2022 сазовори ҷойи аввал шудам.
Имрӯз ҳамчун як ҷавони даврони Истиқлол дар бунёди ҷомеаҳои IT, яъне технологӣ дар Хоруғ саҳм дорам. Мефахрам, ки дар як вақт роҳбарии Google Developer Student Club (GDSC) Khorog –ро бар зимма доштам. Дар доираи GDG, чорабиниҳои калон, аз қабили DevFest 2023-ро бо иштироки беш аз 200 нафар баргузор намудам, ки ин албатта, барои рушди дониши техникии ҷавонон мусоидат менамояд. Ҳамчунин, курсҳои омӯзишии асбобҳои рақамӣ ва асосҳои барномасозиро барои донишҷӯён ва омӯзгорони Донишгоҳи давлатии Хоруғ роҳандозӣ карда, дар ин муассисаи олӣ бо таҳияи барномаҳои нави таълимӣ ва бунёди инфрасохтори серверӣ фаъолияти босамарро барои донишгоҳ муҳайё сохтам.
Умуман, нақшаҳо дар оянда зиёданд ва барои амалӣ намудани онҳо шабу рӯз заҳмат хоҳам кашид.
- Кадом нақшаҳои дигарро мехоҳед дар оянда амалӣ намоед?
- Мақсади асосии ман табдил додани ВМКБ ба маркази инноватсионӣ ва рушди IT мебошад. Мехоҳам, ки фаъолияти донишгоҳро тавассути таҳияи барномаҳои нави таълимӣ ва бунёди инфрасохтори серверӣ рушд диҳам ва дар баланд бардоштани сатҳи дониши IT дар байни хонандагон, аҳолӣ, бахусус ҷавонон саҳм гузорам.
Дар баробари ин якчанд нақшаҳои умумиро оид ба рақамисозии минтақа роҳандозӣ намуда, раванди таълим дар донишгоҳро тавассути ҷорӣ кардани технологияҳои нав ва курсҳои махсус барои донишҷӯён ва омӯзгорон такмил медиҳем.
Ҳамзамон, тасмим аст, ки баҳри баланд бардоштани сатҳи тахассуси кормандони давлатӣ саҳм гузошта, бо мақомоти маҳаллӣ дар татбиқи ҳалли рақамӣ дар минтақа ҳамкориро ба роҳ гузорем.
Садоншо ҶАНОБИЛШОЕВ, “ҶТ”
Яке аз чеҳраҳои намоёни соҳаи технологияҳои иттилоотӣ (IT) дар Тоҷикистон маҳсуб мешавад. Аз синни хурдсолӣ ба технология таваҷҷуҳ дош-та, то ба имрӯз бо ташаббусҳои худ дар самти рақамисозӣ, дар ҷумҳурӣ ва хориҷ аз он муваффақиятҳои назаррас ба даст овардааст.
Муяссар Муносибшоев таҳсилоти худро аз мактабҳои гуногуни вилоят оғоз намуда, дар ниҳоят Муассисаи давлатии “Мактаби Президентӣ барои хонандагони болаёқат дар Хоруғ”- ро хатм кардааст.
Ҳанӯз аз синфи 8, ӯ дар олимпиадаҳои гуногуни иттилоотӣ иштирок намуда, ҳамеша ҷойҳои намоёнро дар сатҳи вилоят ва ҷумҳурӣ ба даст овардааст. Баъдан ба Донишгоҳи давлатии Хоруғ дохил шуда, соҳаи информатикаро интихоб менамояд. Ғолиби ҷойи сеюм дар олимпиадаи ҷумҳуриявӣ оид ба барномасозии варзишӣ мебошад.
Дар лоиҳаҳои веб-платформаҳо ҳамчун таҳиягари backend (Go) ва муҳандиси DevOps (Docker, Linux) фаъолона ҳиссаи худро гузошта истодааст.
Ин ҷавони соҳибистеъдод ҳоло дар Муассисаи таҳсилоти ҳамагонии №14 – и ноҳияи Шуғнон ба ҳайси омӯзгори фанни информатика дарс дода, дар як вақт дар бахши магистратураи Донишгоҳи давлатии шаҳри Хоруғ ба номи М.Назаршоев таҳсил менамояд. Дар зимн бо ӯ ҳамсуҳбат гардидем.
Чаро маҳз касбӣ барномасозиро интихоб кардед? Ин тасмими Шумо буд, ё хоҳиши волидон?
- Ҳанӯз аз синни ҳафтсолагӣ ба технология шавқи зиёд доштам. Вақте волидонам компютер харида, ба хона оварданд, дарҳол он мароқ зоҳир намудам. Аввал тавассути бозиҳо технологияро меомӯхтам. Ин таваҷҷуҳ тадриҷан ба касби ман табдил ёфт. Ва он ба ман имкон дод, ки ҳамеша чизи нав омӯзам, бо тамоюлҳои ҷаҳони модерн ҳамқадам бошам ва аз ҳама муҳимаш, тавонистам ҳадафи гузоштаамро амалӣ кунаму бо кори дӯстдоштаам машғул шавам.
- Фаъолиятатон ҳоло дар кадом самтҳо ҷараён дорад ва дар ин ҷода кадом муваффақиятро ба даст овардаед?
- Соли 2021 бо ҳамроҳии устодонам ширкати "Матритса" (MATRIX IT)-ро таъсис додам, ҳоло ҳамчун директор ва асосгузори он фаъолият мекунам. Кори ширкат асосан таҳияи веб платформаҳо ва машваратдиҳӣ дар соҳаи IT мебошад.
Лоиҳаҳои мо, аз ҷумла системаҳои веб барои ширкатҳои гуногун ва хидматрасонии IT-аутсорсинг, манбаи асосии даромади ширкатамон ҳастанд.
Мақсади дигари ин ширкат рушди технология дар Бадахшон ва мусоидат ба рақамисозии кишвар аст. Бо МИҲД – и ВМКБ, Раёсати андоз, Ширкати мобилии TCELL, EBRD, ҶДММ “Надим” ва дигар ташкилотҳо ҳамкорӣ карда, лоиҳаҳоро тарҳрезӣ ва барои амалисозӣ пешниҳод менамоем.
Дар доираи фаъолияти худ, ҳамчунин ба рақамисозии минтақа низ диққати махсус медиҳем. Аз ҷумла, дар ҳамкорӣ бо Мақомоти иҷроияи ҳокимияти давлатии ВМКБ ва дигар ташкилотҳои давлатӣ, инчунин бо тиҷоратҳои маҳаллӣ дар амалисозии иқдомоти мухталифи иҷтимоӣ ва рақамӣ саҳми худро гузошта истодаем.
- Дар бораи як лоиҳае, ки шумо дар соҳаи тиб амалӣ карда истодаед, маълумот медодед?
- Лоиҳаи мо "Корти электронии тиббӣ" ном дорад. Ин як платформаи рақамӣ аст, ки беморон, табибон ва маъмурияти беморхонаро ба ҳам мепайвандад. Он ба беморон имкон медиҳад, ки маълумоти тиббии худро дар як ҷо нигоҳ доранд, бо табибон муошират кунанд ва барои қабули таъиншудаи навбатӣ сабти ном шаванд.
Барои табибон, ин барнома имкон медиҳад, ки таърихи беморонро бубинанд ва дорухатҳоро ба таври электронӣ нависанд. Мақсади асосии он бошад, баланд бардоштани самаранокии хизматрасониҳои тиббӣ ва осон кардани дастрасӣ ба онҳо, махсусан дар минтақаҳои дурдаст аст.
Мо кӯшиш мекунем, ки лоиҳаи мазкурро ҳарчи зудтар омода ва ба муштариён пешниҳод намоем.
- Дар соҳаи технология ва умуман дар зиндагӣ бештар ба кӣ ва ё чӣ таваҷҷуҳ доред?
- Ман бештар ба соҳибкорони бузурги соҳаи технология, ба монанди Илон Маск ва Стив Ҷобс таваҷҷуҳ дорам. Роҳи тайнамудаи онҳоро баъд аз таъсиси ширкати худ бодиққат меомӯзам, чунки онҳо дар соҳаи технология аз барномасозон ва соҳибкорони намунавӣ мебошанд.
Ба як сатҳи баланд расидан, одамон чӣ гуна талош менамоянд, азобу машаққат мекашанд ва касе соҳиби иродаи қавъӣ бошад, ҳатман дар ниҳояти кор муваффақ мешавад.
- Чиро дар зиндагӣ бисёртар дӯст медоред?
- Ҳамарӯза чизи наверо омӯзам ва маҳорати худро такмил диҳам. Инчунин, нақшаҳои худро амалӣ созам ва ба кори нописанд машғул нашавам. Бовар дорам, ки муҳимтарин мубориза, мубориза бо худи инсон аст ва барои ба даст овардани муваффақият, набояд аз омӯхтани чизҳои нав ва пайравӣ аз тамоюлҳои ҷаҳонӣ дар технология тарсид.
- То ба имрӯз кадом муваф-фақиятҳоро дар соҳаи технология ба даст овардаед?
- Ифтихорманд аз онам, ки тавассути барномасозӣ дар чандин озмунҳои бонуфузи миллӣ ва байналмилалӣ ширкат варзида, сазовори ҷойҳои намоён гардидам.
Аз ҷумла, соли 2022 ғолиби Digital Future Cup ҳамроҳ бо дастаи донишҷӯёни Донишгоҳи давлатии Хоруғ, дар байни 8 донишгоҳи беҳтарини Тоҷикистон, бо лоиҳаи "Корти электронии тиббӣ" гардидам. Лоиҳаи мазкур соли 2023 дар озмуни ҷаҳонии Google Solution Challenge дар байни 1500 даста аз донишгоҳҳои саросари ҷаҳон ба 100 лоиҳаи беҳтарин дохил шуд. Дар баробари ин, бо таҳияи лоиҳае, ки ба нақши технология дар баланд бардоштани амнияти ҷамъиятӣ нигаронида шудааст, дар озмуни Tech2 Protect 2022 сазовори ҷойи аввал шудам.
Имрӯз ҳамчун як ҷавони даврони Истиқлол дар бунёди ҷомеаҳои IT, яъне технологӣ дар Хоруғ саҳм дорам. Мефахрам, ки дар як вақт роҳбарии Google Developer Student Club (GDSC) Khorog –ро бар зимма доштам. Дар доираи GDG, чорабиниҳои калон, аз қабили DevFest 2023-ро бо иштироки беш аз 200 нафар баргузор намудам, ки ин албатта, барои рушди дониши техникии ҷавонон мусоидат менамояд. Ҳамчунин, курсҳои омӯзишии асбобҳои рақамӣ ва асосҳои барномасозиро барои донишҷӯён ва омӯзгорони Донишгоҳи давлатии Хоруғ роҳандозӣ карда, дар ин муассисаи олӣ бо таҳияи барномаҳои нави таълимӣ ва бунёди инфрасохтори серверӣ фаъолияти босамарро барои донишгоҳ муҳайё сохтам.
Умуман, нақшаҳо дар оянда зиёданд ва барои амалӣ намудани онҳо шабу рӯз заҳмат хоҳам кашид.
- Кадом нақшаҳои дигарро мехоҳед дар оянда амалӣ намоед?
- Мақсади асосии ман табдил додани ВМКБ ба маркази инноватсионӣ ва рушди IT мебошад. Мехоҳам, ки фаъолияти донишгоҳро тавассути таҳияи барномаҳои нави таълимӣ ва бунёди инфрасохтори серверӣ рушд диҳам ва дар баланд бардоштани сатҳи дониши IT дар байни хонандагон, аҳолӣ, бахусус ҷавонон саҳм гузорам.
Дар баробари ин якчанд нақшаҳои умумиро оид ба рақамисозии минтақа роҳандозӣ намуда, раванди таълим дар донишгоҳро тавассути ҷорӣ кардани технологияҳои нав ва курсҳои махсус барои донишҷӯён ва омӯзгорон такмил медиҳем.
Ҳамзамон, тасмим аст, ки баҳри баланд бардоштани сатҳи тахассуси кормандони давлатӣ саҳм гузошта, бо мақомоти маҳаллӣ дар татбиқи ҳалли рақамӣ дар минтақа ҳамкориро ба роҳ гузорем.
Садоншо ҶАНОБИЛШОЕВ, “ҶТ”
Хабарҳои дигар
Рӯзнома
Эзоҳи худро нависед