ҶАВОНОН
Ҷумъа 16 Апрел 2021 07:24
7855
Шахсе, ки дар ҳалли мушкилоти ҷомеа ё ҳамеша ба касе ёрӣ мерасонад, вай дар назди Худованд азиз аст. Мадад расондан ба як фард ё касеро аз ҳодисае наҷот додан, боиси ифтихор аст. Мардуми тоҷик аз қадим хайрхоҳ буд ва то имрӯз ин хайрхоҳӣ дар вуҷуди ҳар як фарди тоҷик нуҳуфтааст. Бахусус ҷавонони мо ҳеҷ гоҳ кумаки худро барои дигарон дареғ намедоранд.

Қаҳрамони мо Нозим Ҷарнаев аз зумраи ҳамин гуна ҷавонон аст. Ӯ дар шаҳри Подолски Федератсияи Русия занеро бо фарзандонаш аз сӯхтор наҷот медиҳад. Ба нақли худи Нозим, ӯ рӯзе субҳи барвақт ҳангоми ба кор рафтан, аз хонаҳои истиқоматӣ шоҳиди он гардид, ки дар ошёнаи чорум сӯхтори баланд ба амал омад. Дар ҳамон асно, ба гӯшаш садои занеро бо фарзандаш шунид, ки барои наҷот ёрӣ металабиданд. Нозим ин ҳолатро мушоҳида намуда, натавонист, ки бетараф бошад ва зуд ба кумаки онҳо шитобид. Ӯ тавассути нардбон ба хонаи истиқоматие, ки оташсӯзӣ мешуд, ворид мешавад. Аз он ҷо модар ва фарзандони наврасашро ба берун мебарорад.

Ӯ мегӯяд, пас аз огаҳӣ пайдо кардани одамони гирду атроф ҳамон замон ба ёрии таъҷилӣ занг мезананд ва занро бо фарзандаш ба беморхона мебаранд. Нозим аз он хушҳол шуда буд, ки ҳамагӣ дар миёни чанд дақиқае тавонист, ҷони чанд нафарро аз марг наҷот дод.

Бо вуҷуди ин, Нозим мегӯяд, агар ҳар ҷавоне ба ҷойи ӯ мешуд, ҳамин амалро анҷом медод. “Ман фикр мекунам, ки агар дигар ҷавонон низ мешуданд, ба ин модар ва фарзандаш ёрӣ мерасонданд”,- гуфт қаҳрамони мо.

Ба таъкиди ӯ пас аз рух додани ин ҳодиса аз рақами номаълуме ба ӯ занг омад, ки ғайриинтизор буд. Ӯ ҳодисаро чунни нақл мекунад: “6 феврали соли 2021 аз рақамҳои ношинос ба ман занг омад, телефонамро бардоштам, ки шахсе худро аз Кумитаи ҳолатҳои фавқулодаи шаҳри Подолск муаррифӣ намуда, бо як ҳиссиёти баланд ва таманниётҳои нек суханро оғоз намуда, гуфт: “Кормандони Кумита ва муовини шаҳр шуморо имрӯз дар бинои Кумита, ки воқеъ дар шаҳраки Подолск аст, интизор ҳастанд”.

“Ман дар ҳаяҷон мондам ва хостам зуд рафта, аз ҳоли модар ва фарзандаш хабардор шавам. Худи ҳамон соат ба ҷойи таъиншуда рафтам, ҳоли онҳоро дида, хушҳол шудам. Дар симои ин зан симои модарамро дидам ва хушнуд аз он гаштам, ки гӯё ман ба модари худам хизмате карда бошам. Гуфтаниям, ки ҳар як ҷавони тоҷик бояд аз чизе наҳаросад ва ба худ боварӣ дошта бошад, ки ӯ ҳамаи корро бе мушкилӣ ба анҷом мерасонад”, - гуфт ӯ.

Дар толори Кумитаи ҳолатҳои фавқулодаи шаҳраки Подолск аз ҷониби муовини раиси шаҳр Владислав Лукяненко ба Нозим сипоснома барои қаҳрамониаш дода шуд.

Ин хабари хуш на танҳо Нозим ва наздиконашро, балки тамоми шаҳрвандони Тоҷикистонро, хушнуд гардонид. Бо тантана супоридани сипоснома ба ӯ дар чанд расонаҳои ВАО-и Русия нашр ва намоиш дода шудааст. Албатта, ин боиси ифтихор аст, ки дар мулки бегона боз як фарди тоҷик номбардори давлати мо гашт.

Ӯ дар баробари ҷавони шуҷоъ буданаш, ба соҳибкорӣ машғул аст. Зиёда аз 8 сол аст, ки ӯ ба тиҷорати меваю сабзавот машғул мебошад. Нозим ҳангоми ба тиҷорат машғул шудан, нақша дошт, ки дар мағозаҳои худ шаҳрвандони тоҷикро, ки аз бекорӣ мушкилӣ мекашиданд, ба кор таъмин кунад ва ҳамин тавр ҳам кард.

Ҳамин гуна ӯ дар шаҳраки Подолск се нуқтаи фурӯши меваю сабзавот дорад, ки танҳо меваю сабзавоти ватаниро ба мардум дастрас мекунад. Ба гуфтаи Нозим дар мағозаҳояш танҳо шаҳрвандони тоҷик кор ва фаъолият мекунанд. Ӯ ҳамеша бар он талош мекунад, ки ҳамватанонро ба кор ҷалб намуда, баҳри беҳбудии зиндагии онҳо бетараф набошад. Мо дар корҳои минбаъдаи ин ҷавони далер барору бурдбориҳо хоҳонем.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.