ҶАВОНОН
Панҷшанбе 18 Апрел 2024 01:15
- Зиндагӣ аз оғоз маро ба душвориҳои зиёд ва ба рӯзҳои вазнини пурдарду алам рӯ ба рӯ сохт. Чархи фалак ман ва бародарамро дар 3-солагӣ аз падар ва дар 8-солагӣ аз модар ҷудо кард. Барои ду кӯдаки хурдсол бе волидайн тарбия ёфта, ба камол расидан душвор буд. Тарбияи моро баъди даргузашти волидон модаркалон ва тағоҳоям бар уҳда доштанд. Барои паси сар намудани вазнинии зиндагӣ сабр намудам ва пайваста илм омӯхтам. Соли 2007 баъди хатми мактаби миёна ба ДДХ ба номи академик Б. Ғафуров тариқи квотаи Президенти ҷумҳурӣ дохил шудам, - нақл кард Маҳфуза Тӯрабекова.
Маҳфуза солҳои донишҷӯияшро ба хотир оварда гуфт: “Таҳсил дар донишгоҳ бароям аз ҳар тараф дарси зиндагӣ буд. Дар озмунҳо иштирок мекардам, аз ба даст оварда¬ни ҷойҳои ифтихорӣ бисёр хурсанд мешудам. Ин буд, ки соли 2012 ба гирифтани стипендияи раиси вилоят мушар¬раф шудам. Худи ҳамон сол донишгоҳро бо дипломи аъло муваффақона хатм кардам”.
Ба андешаи Маҳфуза, зиндагӣ барои ҳар шахс ҳар гуна аст. Замони донишҷӯӣ нафареро вохӯрд, ки бо амри тақдир нобино буду санъатдӯст. Он кас Абдумалик ном до¬рад. “Мо бо ҳам дӯст шудем, аммо Абдумалик ҳамеша ме¬гуфт туро ҳамсари ояндаи худ дидан мехоҳам. Шабе хоб дидам, ки ҳамсафари ҳаётам ба ман китоби “Қуръон” дод. Баъди ин қарор додам, ки бояд дар зиндагӣ дасти ҳамин нафарро гирам”, - гуфт Маҳфуза.
9-уми декабри соли 2012 онҳо оиладор шуданд ва ҳоло як фарзанд доранд. Баъди барпо намудани оила зин¬дагиро дар шаҳри Хуҷанд идома доданд, зеро Абдумалик донишҷӯи факултаи санъати ДДХ мебошад. Солҳои аввали оиладорӣ бо сабаби надоштани манзили истиқоматӣ дар шаҳр ду сол иҷоранишин буданд. Сардиҳои зимистон ва иҷорапулӣ азияташон медод. “Ман барои пойдории оила ва муҳаббат нисбат ба шавҳарам ба ҳама мушкилиҳо ва камбудии зиндагӣ тоқат кардам, - афзуд Маҳфуза. – Ба мақомоти иҷроияи ҳокимияти давлатии вилояти Суғд ва шаҳри Хуҷанд чанд маротиба барои бо хонаи истиқоматӣ таъмин намудани оилаамон муроҷиат кардем, зеро ниёз ба кӯмак доштем. Моро дар хобгоҳи №2 ДДХ ҷой карданд. Дар хобгоҳ ду сол зиндагӣ кардем”.
Соли ҷорӣ, дар арафаи таҷлили 25-солагии Истиқлолияти давлатии кишвар дар шаҳри Хуҷанд ба чанд оилаи ниёзманди ҷавон хонаи истиқоматӣ тақдим карда шуд, аз ҷумла ба оилаи Абдумалик ва Маҳфуза ҳам. 14-уми сентябр Пешвои миллат, Президенти мамлакат Эмомалӣ Раҳмон қалиди хонаи якҳуҷрагиро, ки дорои ша¬роити хуби ҳозиразамон аст, ба онҳо тақдим намуданд. “Аз ин ғамхории падаронаи Пешвои миллат, ки ҳамеша ниёз¬мандон ва ҷавононро дастгирӣ мекунанд, бисёр хурсанд ҳастем”, - мегӯяд ҳамсуҳбатам.
Абдумалик Турсунов ҳоло дар ансамбли шашмақомсароёни “Нури Хуҷанд” кор мекунад. Дутор ва чангро навохта метавонад. Баробари навохтан су¬руд ҳам месарояд. Айни ҳол навохтани асбоби танбӯрро меомӯзад.
- Ба ҷавонон гуфтаниам, ки дар зиндагӣ бо таҳаммул бошанд. Пайваста илм омӯзанд, вақти худро сарфи корҳои беҳуда насозанд. Имрӯз ҷавонони мо бо сабаби ҷой доштани мушкилии кӯчак оилаи худро вайрон месо¬занд, ки ин иштибоҳи бузург аст, - гуфт дар охир Маҳфуза Тӯрабекова.
Маҳфуза солҳои донишҷӯияшро ба хотир оварда гуфт: “Таҳсил дар донишгоҳ бароям аз ҳар тараф дарси зиндагӣ буд. Дар озмунҳо иштирок мекардам, аз ба даст оварда¬ни ҷойҳои ифтихорӣ бисёр хурсанд мешудам. Ин буд, ки соли 2012 ба гирифтани стипендияи раиси вилоят мушар¬раф шудам. Худи ҳамон сол донишгоҳро бо дипломи аъло муваффақона хатм кардам”.
Ба андешаи Маҳфуза, зиндагӣ барои ҳар шахс ҳар гуна аст. Замони донишҷӯӣ нафареро вохӯрд, ки бо амри тақдир нобино буду санъатдӯст. Он кас Абдумалик ном до¬рад. “Мо бо ҳам дӯст шудем, аммо Абдумалик ҳамеша ме¬гуфт туро ҳамсари ояндаи худ дидан мехоҳам. Шабе хоб дидам, ки ҳамсафари ҳаётам ба ман китоби “Қуръон” дод. Баъди ин қарор додам, ки бояд дар зиндагӣ дасти ҳамин нафарро гирам”, - гуфт Маҳфуза.
9-уми декабри соли 2012 онҳо оиладор шуданд ва ҳоло як фарзанд доранд. Баъди барпо намудани оила зин¬дагиро дар шаҳри Хуҷанд идома доданд, зеро Абдумалик донишҷӯи факултаи санъати ДДХ мебошад. Солҳои аввали оиладорӣ бо сабаби надоштани манзили истиқоматӣ дар шаҳр ду сол иҷоранишин буданд. Сардиҳои зимистон ва иҷорапулӣ азияташон медод. “Ман барои пойдории оила ва муҳаббат нисбат ба шавҳарам ба ҳама мушкилиҳо ва камбудии зиндагӣ тоқат кардам, - афзуд Маҳфуза. – Ба мақомоти иҷроияи ҳокимияти давлатии вилояти Суғд ва шаҳри Хуҷанд чанд маротиба барои бо хонаи истиқоматӣ таъмин намудани оилаамон муроҷиат кардем, зеро ниёз ба кӯмак доштем. Моро дар хобгоҳи №2 ДДХ ҷой карданд. Дар хобгоҳ ду сол зиндагӣ кардем”.
Соли ҷорӣ, дар арафаи таҷлили 25-солагии Истиқлолияти давлатии кишвар дар шаҳри Хуҷанд ба чанд оилаи ниёзманди ҷавон хонаи истиқоматӣ тақдим карда шуд, аз ҷумла ба оилаи Абдумалик ва Маҳфуза ҳам. 14-уми сентябр Пешвои миллат, Президенти мамлакат Эмомалӣ Раҳмон қалиди хонаи якҳуҷрагиро, ки дорои ша¬роити хуби ҳозиразамон аст, ба онҳо тақдим намуданд. “Аз ин ғамхории падаронаи Пешвои миллат, ки ҳамеша ниёз¬мандон ва ҷавононро дастгирӣ мекунанд, бисёр хурсанд ҳастем”, - мегӯяд ҳамсуҳбатам.
Абдумалик Турсунов ҳоло дар ансамбли шашмақомсароёни “Нури Хуҷанд” кор мекунад. Дутор ва чангро навохта метавонад. Баробари навохтан су¬руд ҳам месарояд. Айни ҳол навохтани асбоби танбӯрро меомӯзад.
- Ба ҷавонон гуфтаниам, ки дар зиндагӣ бо таҳаммул бошанд. Пайваста илм омӯзанд, вақти худро сарфи корҳои беҳуда насозанд. Имрӯз ҷавонони мо бо сабаби ҷой доштани мушкилии кӯчак оилаи худро вайрон месо¬занд, ки ин иштибоҳи бузург аст, - гуфт дар охир Маҳфуза Тӯрабекова.
Эзоҳи худро нависед