Зери ин унвон дар шаҳри Хуҷанд бо иштироки аъзои Шӯрои Иттиҳоди ташкилотҳои ҷавонони Тоҷикистон, намояндагони РВКД дар вилояти Суғд, прокуратура, ходимони дин ва ҷавонони фаъол мизи мудаввар баргузор гардид.

Фирӯза Нуруллозода, муовини раиси шаҳри Хуҷанд мизи мудавварро ифтитоҳ намуда, аз ҷумла зикр намуд, ки бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон ва Асосгузори сулҳу ваҳдати миллӣ – Пешвои миллат Президенти кишварамон, мӯҳтарам Эмомалӣ Раҳмон мебошад.

Сипас, дар идомаи чорабинӣ мудири бахш кор бо ҷавонон ва варзиши шаҳри Хуҷанд Бахтиёр Исматҷонов, роҳбари “Маркази фарҳангӣ-омўзишии Томирис” Раъно Ҷумъаева, сардори Хадамоти пешгирии ҳуқуқвайронкунӣ ва ҷинояткорӣ байни ҷавонон ва ноболиғони Раёсати ВКД ҶТ дар вилояти Суғд Баҳром Саидзода ва роҳбари ташкилоти ҷамъиятии “Ҳамсол бо ҳамсол” Парвина Сулаймонӣ дар мавзуъҳои раванди тарбияи ватандӯстӣ, пешгирӣ кардани зуҳуроти экстремизм ва таассуби динӣ, аз таъсири таблиғоти ифротгароёна ва оштинопазирии милливу мазҳабӣ эмин нигоҳ доштани ҷавонон маърӯзаҳо намуда, иброз доштанд, ки бояд ҷавонон аз ҳама гуна хатарҳо худро дур нигоҳ доранд ва муҳофизи фарҳангу тамаддуни милии хеш бошанд.