Ҷавонон - муҳаррики рушди соҳибкорӣ

Бо мақсади баланд бардоштани донишу малака ва ихтисосмандии аҳолӣ, бахусус ҷавонон, аз тарафи дигар саҳмгузории худи ҷавонон дар ин раванд, санаи 25 декабри соли равон дар асоси нақша-чорабиниҳои Раёсати кор бо ҷавонон ва варзиши вилояти Суғд дар толори Донишгоҳи давлатии ҳуқуқ, бизнес ва сиёсати Тоҷикистон мизи мудаввар дар мавзӯи "Рушди фаъолияти соҳибкорӣ байни ҷавонон" бо фарогирии 35 нафар донишҷӯёни фаъоли донишгоҳ ташкил ва баргузор гардид.

Дар мизи мудаввари мазкур намоянда аз Раёсати кор бо ҷавонон ва варзиши вилояти Суғд Ахмедов Шаҳбоз, намоянда аз Иттифоқи ҷавонони Тоҷикистон дар вилояти Суғд Ҳомидова Меҳрангез ва намояндаи Клуби соҳибкорони ҷавон дар вилояти Суғд Ахмедова Хуршеда иштирок ва суханронӣ намуданд.