Ҷиҳати фаҳмонда додани мӯҳтавои вохӯрии Пешвои миллат муҳтарам Эмомалӣ Раҳмон бо роҳбарону фаъолони ВМКБ, ки моҳи сентябри соли ҷорӣ сурат гирифта буд, Гуломадшозода Роза Иқболшо муовини раиси ноҳияи Роштқалъа бо аҳли ҷамоатчигӣ ва ҷавонони ҷамоати Қурбоншоҳ Гадолиеви ноҳия мулоқот кард.

Р. Гуломадшозода асосан аз хусуси пешгирии зуҳуротҳои номатлуби ҷомеа ва масоили доғи рӯз дар ВМКБ аз қабили даст задани ҷавонон ба ҷиноятҳои гуногун, фирефта шудани онҳо аз тарафи гурӯҳҳои ҷиноӣ, ҷудошавии оилаҳо ва ғайра ҳарф зада, таъкид намуд, ки ҷавонон бояд нисбати ояндаи хеш бетафовут набошанд.

Гуфта шуд, ки минбаъд низ чунин сӯҳбату вохӯриҳо бо бошандагони ҷамоатҳои дигари ноҳия гузаронида хоҳад шуд.