Бо мақсади пешгирӣ намудани ҳар гуна амалҳои зишти ҷомеа, аз қабили нашъамандиву нашъаҷалобӣ ва истеъмоли машруботи ҳархелаи ба саломатии инсон хавфнок масъулини Раёсати кор бо ҷавонон ва варзиши ВМКБ бо ҷавонону варзишгарони шаҳри Хоруғ вохӯриҳо анҷом доданд.

Мулоқот дар толорҳои варзишии ҳудуди шаҳр сурат гирифта, дар он сардори раёсат Сураҷ Чоршанбиев, мудири Бахши кор бо ҷавонон ва варзиши Хоруғ Имомёрбек Имомёрбеков оид ба бештар тарғиб намудани тарзи ҳаёти солим миёни наврасону ҷавонон ва ҷалби онҳо ба машғулиятҳои писандида бо ҳозирин суҳбат карданд.

Мавриди қайд аст, ки чунин вохӯриҳо бо сокинони баъзе маҳаллаҳои шаҳр низ баргузор шуданд.