ҶАВОНОН
Шанбе 16 Январ 2021 01:30
3771
Вақт гузарон аст. Мо – ҷавононро мебояд, аз ҳама дида зиёдтар вақтро пусамар истифода барем. Зеро ҷавонӣ айёми омӯхтану ба по хестан ва ба қуллаҳои мурод расидан аст. Ҳамин аст, ки Роҳбари Олии мамлакат низ ин нуктаро дарёфта, пайваста баҳри тарбия ва ташаккули ахлоқии ҷавонон иқдомҳои пайваставу шоистаро роҳандозӣ менамоянд. Воқеан, дар давраи нави таърихӣ Ҳукумати Ҷумҳурии Тоҷикистон пайваста ба сиёсати давлатии ҷавонон диққати хосса зоҳир намуда, дар самти таҳияву татбиқи санадҳои меъёрию ҳуқуқӣ оид ба ҳаёти ҷавонон тадбирҳои судманд меандешад. Дар ин росто, ба хусус, пас аз қабули Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон” моҳи июли соли 2004 дар роҳи татбиқи сиёсати давлатии ҷавонон аз зумраи қабули санадҳои меъёрии ҳуқуқӣ, ташкили стипендияи президентӣ ва идрорпулии раисони вилоят, шаҳру ноҳияҳо, таъсиси марказҳои ҷавонон, ҷоизаҳои мухталиф барои олимони ҷавону варзишгарон ва амсоли онҳо рӯи кор омаданд.

Қонуни мазкур барои таҳсили толибилмон дар мактабҳои миёнаву олии касбӣ, тарзи ҳаёти солим, иштироки ҷавонон дар маъракаҳои сатҳи давлатию ҷамъиятӣ ва дастгирии молӣ дар бахшҳои мухталифи таҳсилот имконият фароҳам намудааст. Тавре дар моддаи 1-уми Қонун дарҷ гардидааст, “Сиёсати давлатии ҷавонон – системаи ягонаи тадбирҳои иҷтимоию иқтисодӣ, ташкилӣ, ҳуқуқӣ ва тарбиявӣ мебошад, ки аз ҷониби мақомоти ҳокимияти давлатӣ ташкилоту муассисаҳо, сарфи назар аз шакли ташкилию ҳуқуқӣ ва моликият, иттиҳодияҳои ҷамъиятии ҷавонон ва шаҳрвандон бо мақсади таъмини таълиму тарбия, ташаккулу камолоти ҷавонон, ҳифзи ҳуқуқ ва истифодаи пурсамари иқтидори онҳо ба манфиати ҷамъият таҳия ва тасдиқ мегардад”. Aз ин нукта бараъло маълум аст, ки давлат чӣ ҳадафҳо дорад ва баҳри чӣ иқдоме чунин корҳоро амалӣ менамояд. Ҳадафи аслии Ҳукумати мамлакат мусоидат ба инкишофи маънавӣ, фарҳангӣ ва иҷтимоию ҷисмонӣ, ҳифзи ҳуқуқ ва манфиатҳо, муҳайё сохтани шароит барои мустақилона ва бо ҳисси масъулият ширкат кардани ҷавонон дар ҳаёти ҷамъиятӣ ва сиёсии кишвар мебошад.

Дар Коллеҷи тиббии ноҳияи Ҳамадонӣ барои амалӣ гардонидани ин қонун ва ҷалби ҷавонон ба корҳои илмию тарбиявӣ чораҳои мушаххас андешида мешавад, ки ба муттаҳид гаштани эшон имконият медиҳад. Роҳбарияти коллеҷ бошад, барои ҷавонони эҷодкору навовар шароити хуб муҳайё карда, дар ин радиф ба таври ҳамешагӣ омӯзгорону толибилмони соҳибистеъдодро қадрдонӣ мекунад.

Меҳроҷиддини АРКОМУДДИН, омӯзгори фанни информатикаи Коллеҷи тиббии ноҳияи Ҳамадонӣ

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.