8 октябр бо иқдоми КВД «Маркази ҷумҳуриявии фарҳангии ҷавонон «Ориёно» дар мувофиқа бо Кумитаи ҷавонон, варзиш ва сайёҳӣ, бахшида ба 25-солагии Истиқлолияти давлатии Тоҷикистон, нахустин Фестивали рақси варзишӣ «АРТ ДЭНС», таҳти унвони «Ҷавонон - ҷонибдори тарзи ҳаёти солим» оғоз шуд.

- Мақсад аз баргузории фестивал муаррифӣ намудани истеъдодҳои ҷавон, ки маҳорат ва қобилияти рақсҳои муосир ва варзишӣ доранд, мебошад. Инчунин тавассути барномаи фестивали рақси варзишӣ дар байни ҷавонон тарзи ҳаёти солим, пешгирии онҳо аз омилҳои номатлуб, ба монандӣ ҷиноят, экстремизм ва нашъамандӣ, баланд бардоштани малака ва табодули таҷриба байни иштирокчиён ва ҳамчунин ҷалбу таваҷҷуҳи онҳо ба варзиш ва ба корҳои манфиатбахш таблиғ мешавад, - гуфт Илҳом Юнусов, роҳбари КВД «Маркази ҷумҳуриявии фарҳангии ҷавонон «Ориёно»

Фестивал 4 рӯз дар чор қисмат - «Дабстеп”, «Хип-Хоп», «Брейк данс» ва рақси омехта идома меёбад.