Санаи 22-юми декабри соли равон бахшида ба Соли нави мелодии 2020 раиси вилояти Суғд Раҷаббой Аҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам ва намояндагони Раёсати кор бо ҷавонон ва варзиши вилоят ба аёдати тарбиятгирандагони Мактаб-интернат барои бачагони ятим, бачагони маҳрум аз парастории волидайн ва аз оилаҳои камбизоат, воқеъ дар шаҳри Бӯстон, рафтанд.

Ҳамзамон баҳри шод ва болидахотир намудани тарбиятгирандагон аз тарафи аъзои маҳфили "Пайравони Пешвои миллат"-и назди Раёсати кор бо ҷавонон ва варзиши вилоят барномаҳои ҷолиби фарҳангиву ҳаҷвӣ намоиш дода шуд.

Сардори раёсат Мирзоқосим Каримзода тарбиятгирандагони муассисаи мазкурро ба муносибати фаро расидани Соли нави мелодии 2020 муборакбод гуфта, ба 80 нафар тарбиятгирандагони муассисаи мазкур тӯҳфаҳои солинавӣ тақдим намуданд.