- Модар муқаддастарин офаридаи рӯи замин ва бақои башар мебошад, - таъкид дошт Шӯҳрат Алиев, сармутахассиси Бахши кор бо ҷавонон ва варзиши ноҳияи Рӯшон зимни мулоқот бо бонувони фаъол, толибилмони МТМУ № 9 ва Мактаб – интернати ҷумҳуриявии ноҳия.

- Ҳар яки мо бояд ба қадри заҳмати шабонарӯзӣ, шири сафеди ҷонбахш ва ғамхории бемислу монанди модар бирасем. Ин шахсиятест, ки баҳову қимат надошта, ҳастии миллату давлат маҳз аз ӯ сарчашма мегирад,”- афзуд ӯ.

Ғайр аз вохӯрии мазкур ба ифтихори Рӯзи модарон, ҳамчунин озмуни “Зани соҳибҳунар” байни ҷамоатҳо, шаби эҷодии шоираи ширинкаломи кишвар Руқияи Давроншоҳ ва барномаи фарҳангӣ бо иштироки аҳли ҳунари ноҳия аз ҷониби Бахш ташкил карда мешавад.