Бахши кор бо ҷавонон ва варзиши ноҳияи Рӯдакӣ дар ҳамкорӣ бо муассисаи таҳсилоти миёнаи умумии №123, дар ҷамоати деҳоти Чоряккорон бахшида ба рӯзи Артиши миллӣ чорабинии фарҳангӣ доир намуд.

Дар он муовини раиси ноҳия Ф. Камолзода, мудири бахши кор бо ҷавонон ва варзиш А. Сатторӣ ва раиси ҷамоати деҳоти Чоряккорон Хосият Кенҷаева сухан гуфта, хозиринро ба муносибати рӯзи Артиши миллӣ шодбош гуфтанд.

Толибилмон бо рақсу суруд, ташкили саҳначаҳои ҳаҷвӣ, тамрини машқи сарбозон маҳфилро рангин ва хотири иштирокчиёнро шод намуданд.