Бахшида ба “Соли ҷавонон” дар Донишгоҳи давлатии Хоруғ (ДДХ) ба номи Моёншо Назаршоев таҳти унвони “Бархурди ҷавонону наврасон бо ҷаҳони муосир” семинари илмӣ – назариявӣ бо иштироки Сомон Қурбонмамадов, ноиби ректори донишгоҳ оид ба тарбия, Кишвар Амиршоев, корманди Муассисаи давлатии “Маркази ҷавонон”- Хоруғ, Юсуф Асадбеков, мудири Шуъбаи кор бо ҷавонони донишгоҳ, Солим Шамшеров, раиси Шӯрои сарпарастони ДДХ, намояндагони Раёсати ҷавонони ВМКБ ва донишҷӯён баргузор гардид.

Ба гуфтаи Сомон Қурбонмамадов, ноиби ректори донишгоҳ оид ба тарбия ҷаҳони муосир бо суръат пеш меравад ва он паҳлӯҳои мусбию манфӣ дорад:

“Дар баъзе ҳолатҳо ҷавонон сари дуроҳа қарор гирифта, зуҳроти бегонаву манфӣ ба онҳо зуд асар мекунад”.

Дар назар аст, ки масъулини Шуъбаи кор бо ҷавонони донишгоҳ дар якҷоягӣ бо Бахши ҷавонон, варзиш ва сайёҳии шаҳри Хоруғ чунин семинарро барои дигар ҷавонони шаҳр ҳам гузаронанд.

Машҳур ИМОМНАЗАРОВ, “ҶТ”