Дар ноҳияи Рӯшон бо иштироки раиси ноҳия Имомназар Хоҷаназари Лутфулло ҷавонони фаъоли ҷумҳурӣ, кормандони Бахши кор бо ҷавонон ва варзиши ноҳия барномаи фарҳангӣ ва аксия таҳти унвони "Мо ҷавонони Тоҷикистон пайрави Пешвои миллатем" баргузор гашт.

Нахуст корвони ҷавононро дар даромадгоҳи ноҳия намояндагони мақомоти иҷроияи маҳалии ҳокимияти давлатӣ, бахшҳои кор бо ҷавонону кор бо занон ва оила, сокинону ҷавонони ноҳия бо як дилгармии хос истиқбол гирифтанд.

Баъдан дар тарабхонаи "Шоми Наим" барои ҷавонони фаъол зиёфат ороста шуда, аҳли ҳунар ва беҳтарин ҳофизони ноҳия барномаи консертиро пешкаши меҳмонон намуданд.