Таҳти унвони "Пешгирии зӯроварӣ дар оила" бо ибтикори Бахши кор бо ҷавонон ва варзиши ноҳияи Шуғнон ва ташкилоти "Мадина" дар муассисаи таҳсилоти ҳамагонии №12 ба номи Шириншоҳ Шоҳтемури ҷамоати Поршинев семинари амалӣ - омӯзишӣ баргузор гардид.

Дар он Зиёратмо Шикорбекова, мутахассиси пешбари бахш, Салима Имомназарова, равоншиносу корманди ташкилот, Сабзина Азичаева, нозир оид ба корҳои пешгирии зуроварӣ дар оилаи назди ШВКД ва ҷавонони мавзуъро мавриди омӯзишу муҳокима қарор доданд.

Зикр шуд, ки дар ҷумҳурии мо мувофиқи стратегия ва Барномаи ислоҳоти милитсия барои солҳои 2013 - 2020 якчанд ҳуҷраҳои кории нозирон оид ба пешгирии хушунати оилавӣ мавриди корбурд қарор гирифтанд.

Чанде пеш дар маркази ВМКБ, шаҳри Хоруғ низ чунин намояндагӣ кушода шуд, ки минбаъд баҳри ошкору фасл намудани масоили марбут мӯшикофона мусоидат хоҳад кард.