Дар толори фарҳангии мақомоти иҷроияи маҳаллии ҳокимияти давлатии ВМКБ мулоқоти муовини директори Агентии назорати маводи нашъаовари назди Президенти Ҷумҳурии Тоҷикистон, генерал - майор Муртазо Ҳайдарзода бо ҷавонони шаҳри Хоруғ баргузор гашт.

Дар вохӯрӣ инчунин муовини раиси вилоят Назира Амирбекзода, мудири Бахши кор бо ҷавонон ва варзиши шаҳри Хоруғ Имомёрбек Имомёрбеков, сокинон ва хонандагони МТМУ –и шаҳр иштирок намуданд.

Муртазо Ҳайдарзода таъкид кард, ки истеъмоли маводи мухаддир аз ҷониби ҷавонон яке аз аъмоли нангин ба шумор рафта, дар ин самт чораҳои пешгирикунанда беш аз ҳарвақта бояд тақвият дода шаванд.

Баъдан миёни масъулини агентӣ ва ҷавонону сокинони шаҳр сӯҳбати озод ба таври саволу ҷавоб сурат гирифт.