Дар Коллеҷи политехникии ба номи А. Қаҳҳорови шаҳри Конибодом дар мавзӯи “Инъикоси масъалаҳои ҳаёти ҷавонон дар ҳафтаномаи “Ҷавонони Тоҷикистон” конференсия доир гашт.

Ҷонишини директор оид ба корҳои тарбиявии коллеҷ Розия Ниёзматова нақши ҳафтаномаи “Ҷавонони Тоҷикистон”-ро дар инъикоси масъалаҳои ҳаёти ҷавонон аввалиндараҷа донист. Ӯ гуфт, ҳафтанома дар таърихи фаъолияташ тӯли 86 сол масъалаҳои мубрами кишварро дарҷ намудааст. Дар саҳифаҳои ҳафтанома имрӯз мушкили ҷавонон, сабаби аз таҳсил дур мондан ва пайвастани онҳо ба равияҳои тундрав дарҷ мегарданд. Дар шароити имрӯз, ки масъалаи террористӣ ва экстремистӣ ҷаҳонро ба ташвиш овардааст, ҳафтаномаи “Ҷавонони Тоҷикистон” дар тарбияи ҷавонони кишвар нақши бориз дорад.

Ҳамчунин, дигар намояндагони коллеҷ суханронӣ намуда гуфтанд, ҳафтанома  худшиносӣ, садоқат ба Ватан ва ҳифз намудани арзишҳои миллиро ба ҷавонон  меомӯзонад.

Донишҷӯёни коллеҷ иброз доштанд, ки бо “Ҷавонони Тоҷикистон” мо - донишҷӯён ҳамеша ҷавон мемонем.