ҶАВОНОН
Чоршанбе 13 Ноябр 2019 04:49
5656

Аксияи “Ҷавонони Тоҷикистон” ба хотири 89-умин солгарди рӯзнома

Ба хотири 89-умин солгарди рӯзномаи “Ҷавонони Тоҷикистон” ва гиромидошт аз хизматҳои шоёни кормандони собиқи он субҳи имрӯз, 5 апрел кормандони нашрия бо гурӯҳи волонтёрони назди рӯзнома дар чанд нуқтаи шаҳри Душанбе таҳти унвони “Бо мо ҳамеша ҷавон мемонед!” аксияи тарғиботӣ баргузор намуданд.

Дар рафти гузаронидани аксия, ки дар “Шаҳраки донишҷӯён”-и Донишгоҳи миллии Тоҷикистон, Хиёбони марказӣ, Маркази савдои “Садбарг” ва назди бинои Сирки давлатӣ гузаронида шуд, ба донишҷӯён ва сокинону меҳмонони шаҳр зиёда аз 500 нусхаи рӯзнома ва ҳудуди ҳамин миқдор варақаҳои тарғиботӣ, ки дар онҳо аз таъриху рисолати рӯзнома то иқдомҳои имрӯзи он ёддошт шудааст, тақсим карда шуд.

Сокинон ин иқдоми рӯзномаро ба хубӣ истиқбол карда, онро василаи хубе барои ба фарҳангу маънавиёт ҷалб кардани сокинон, хусусан ҷавонон унвон намуданд. Аз ҷумла, зимни тақдими рӯзнома сокинони касбу кори гуногун иброз доштанд, ки иқдоми мазкурро бори аввал мебинанд, ки тариқи аксия рӯзнома ройгон ба сокинон дастрас карда мешавад. “Иқдоматон қобили таҳсин аст. Чун дар шаҳр зиндагиву кору фаъолият дорем, бори аввал чунин аксияро аз тарафи рӯзномае мебинем. Пешниҳод дорем, минбаъд низ чунин иқдомҳо роҳандозӣ шаванд”.

Ёдовар мешавем, ки рӯзномаи “Ҷавонони Тоҷикистон” минбари ягонаи ҷавонони кишвар дар остонаи 89-солагӣ қарор дорад. Нашрияи мазкур тӯли 89-сол аст, ки рисолати пуршараферо бе чуну чаро иҷро намуда, то имрӯз барои суботи ҷомеаи Тоҷикистону баланд бардоштани сатҳи маърифатнокии миллати тоҷик хизматҳои шоёне кардааст. Тӯли ин солҳо рӯзнома аз ормонҳои ҷавонони миллати тоҷик менависаду раҳнамои ин насли ояндасоз аст. Бо гузашти солҳо нашрия рисолати худро нигоҳ дошта, чун минбари ҷавонон ҳамеша аз ҳаёти онҳо менависад. Имрӯзҳо нашрия дар издиҳоми ҳаводиси мусбату манфӣ ҳамеша аз манфиати ҷавонони кишвар дифоъ намуда, матолиби он ҷавононро ҳамеша ба некию накӯкорӣ раҳнамун месозад.





Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.