Масъулини Раёсати кор бо ҷавонон ва варзиши вилояти Суғд тибқи нақша – чорабиниҳои раёсат бахшида ба Соли нави мелодӣ афсарону сарбозони қисми низомии 0212-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва қисми низомии 14356-и Қӯшунҳои хушкигарди Вазорати мудфиаи Ҷумҳурии Тоҷикистон воқеъ дар ноҳияи Бобоҷон Ғафуровро аёдат намуданд.

Ин иқдом дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо дастгирии раиси вилояти Суғд Раҷаббой Аҳмадзода роҳандозӣ гардидааст.

Дар рафти аёдат намояндагони раёсат сарбозони диловари миллатро ба Соли нави мелодӣ табрику муборакбод намуда, дар адои хизмат ба онҳо барору комёбӣ таманно намуданд.